تفاصيل صادمة في قضية «اسجد للكلب».. اعتقد الدكتور عمرو خيري، رئيس قسم العظام بجامعة عين شمس، أن الحيوانات والكلاب ستنتصر على الإنسانية ولم يعلم أن القلوب الرحيمة يجب أن تبدي تعاطفها مع الإنسان البشري أولًا ثم تصل إلى الكلاب والحيوانات الآليفة.
تفاصيل صادمة في قضية «اسجد للكلب»
الخلل في الأمر ظهر جاليًا من خلال مقطع الفيديو الذي انتشر خلال الأسابيع الماضية والذي ظهر فيه رئيس قسم العظام وطبيب آخر يقومان بإهانة ممرض والسخرية منه لقيامه – على حد وصفهما – بإهانة كلب الدكتور عمرو الذي توفى.
الممرض عادل سالم، قال خلال التحقيق معه أنه فوجئ بحزن الدكتور عمرو بشكل مبالغ فيه بسبب وفاة كلب كان يقوم بتربيته في المنزل، وعلم أن الطبيب قام بشراء كلب جديد بمبلغ مالي يصل إلى 20 ألف جنيه.
وأضاف خلال التحقيق: «أنا قولت إن المبلغ دا كبير على كلب مايستهلش، والإنسان أولى بالفلوس دي، وأني لو أخدت الكلب دا البلد عندي الكلاب اللي بتقف على الترعة هتقطعه، ومكنتش أعرف إن الكلام ده هيوصل لدكتور عمرو وهيزعله».
وتابع:«اليوم اللي أتصور فيه الفيديو الشهير دخل الدكتور معتز لدكتور عمرو وقفلوا عليهم، وكان معاهم السكرتير عمرو رفعت، وبعدها لقيت الدكتور معتز بينادي عليا وبيقولي كلم دكتور عمرو، فدخلت أشوف فيه إيه لقيت الدكتور معتز قفل الباب عليّا من جوا وفضل واقف على الباب، وابتدى الدكتور عمرو يعاتبني على الكلام اللي وصله، وبيطلب مني الأفعال اللي ظهرت في الفيديو».
واستكمل أقواله أمام جهات التحقيق قائلًا: «الدكتور عمرو خيري طلب مني أنط من فوق الحبل وأسجد للكلب، وكانوا جايبين سلك كهرباء طويل، كان ماسك طرفيه الدكتور معتز والسكرتير عمرو، وعاوزني أنط من فوقيه أتاري الدكتور عمرو كان بيصور».
واستطرد حديثه في نبرة حزينة: «أنا كنت خايف يقطعوا عيشي وقولت مفيش مشكلة لما أنفذ اللي بيطلبوه مني وهتعدي بس مكنتش أعرف إنهم بيصوروني».
وأنهى الممرض المجني عليه أقواله قائلًا: «الدكتور عمرو كان ماسك في أيده خشبة وبيهددني بيها، ولما مكنتش بكمل اللي بيطلبه كان بيضربني».
