فتح عضو مجلس إدارة نادي الزمالك النار علي الأهلي ومسئوليه، بسبب ازمة الهارب محمود كهربا لاعب الفريق الاحمر، وشدد مايهمنا هو الحصول على الغرامه.
وقال جمال عبد الحميد في تصريحات تليفزيونيه عبر قناة الزمالك: “اي لاعب يهرب من الزمالك الاهلي بيرحب به على عكس من يرحل عنه، مثل رمضان صبحي وعبدالله السعيد يتم اهانتهم رغم انهم لم يهربوا مثل الهارب كهربا”.
واضاف:” اي لاعب يرحل عن الاهلي يبقى جريمه لاتغتفر، انما الاهلي بياخد اي لاعب هارب ويرحب به”
وشدد عبد الحميد: “الجميع بيتكلم على، كهربا خلوه في 3 ايام بطل الكوره في العالم، احنا ميهمناش يلعب ميلعبش يروح منتخب اولا، يضرب سيد عبدالحفيظ
او يضرب حراس المرمى، اويشوح، ملناش دعوه”
وواصل: ” احنا كل اللي يهمنا ناخد فلوسنا، المفروض الاهلي بيفرض علينا المبادئ والمهندس خالد مرتجي في ازمة هروب الحضري قال للانديه متاخدوش لاعب هارب، لكن هم دلوقتي اخدوا كهربا الهارب”.
واكمل عبد الحميد:” هو بياخد الهربان وبيكلم على المبادئ، انا عشت في الاهلي وعارف المبادئ يعني ايه والايام جايه وهكلم، لكن انا دلوقتي بحترم المنصه الموجود عليها”.
واكد: “احنا عاوزين حقنا وفلوسنا يلعب اولا ميهمناش، احنا كزملكاويه مش وحشين احنا عاوزين حقنا بس، اي لاعب هربان من الزمالك اهلا بك في الاهلي انتم المفروض بتوع المبادئ متاخدوش اللعيبه تهرب من اي نادي وتروح الاهلي”.
واختتم عبد الحميد:” هو دي المبادئ انك توافق تاخذ لقب القرن وانت اقل بطولات، وضحيتوا بمصر واعطيتوا لقب القرن للكاميرون علشان الاهلي ياخد اللقب، وعلشان دخلت البطوله تاخد نقط اكثر من اللي فاز باللقب، غيروا اللوائح وضحوا بمصر علشان نادي “.
