من اجمل الاماكن في مصر اللي بتجمع بين السياحة والعلاج هي سيوة وبالاخص البحيرات المالحة لوحة فنية رهيبة من السما والسحب في سماء سيوة بيكملها لون الملح الأبيض مع الإنعكاس الخطير للجبال على مياه البحيرات،
البحيرات المالحة في سيوة هي مكان عالمي للسياحة والعلاج يها أهمية كبيرة في الصناعة في مصر .
في سيوة موجود 4 بحيرات رئيسية بيستخرج منها الملح وهم بحيرة الزيتون وموجودة في شرق سيوة، وبحيرة أغورمي في شمال شرق الواحة، وبحيرة سيوة غرب شالي وأخيرًا بحيرة المراقي في غرب الواحة..
ومن المعروف إن البحيرات دي لا ينمو عليها أي طحالب ولا يوجد أي كائنات حية فيها..
وعن حجم الملح الموجود في البحيرات نجد أنة لأكتر من 60 مليون طن
البحيرات المالحة هي المكان المثالي للسباحة للمن لا يستطيع السباحة ، وذلك لإن درجة ملوحتها عالية جدًا واللي بتوصل ل 98%..
فبرغم من عمق البحيرات واللي بيوصل ل15م .. بالإضافة الى إستخدامها في العلاج لكتير من الأمراض الجلدية مثل الصدفية وغيرها حسب كلام أهل الواحة واللي بينصحوا بإرتداء ملابس قطنية أثناء النزول للبحيرات وعدم الإستحمام مباشرة بعد الخروج وترك الملح على الجسم لفترة..
إستخدام البحيرات المالحة في الصناعةبشكل رئيسي بيدخل الملح المستخرج من البحيرات المالحة في صناعات كتيرة وأهمهم هو ملح الطعام لإنه الأفضل عالميًا ده غير إن بعض البلاد شديدة البرودة بتستخدمه في إذابة التلج من الطرق، وفي سيوة بيستخدم السكان المحليين الأملاح في البناء وفي صنع المصابيح وده للإعتقاد السائد إنها بتقضي على الطاقة السلبية
افضل وقت لزيارة البحيرات المالحة في سيوة الصيف في سيوة بيبدأ في من أول مايو، درجة الحرارة بتكون عالية جدًا وده بيكون مناسب لو كان الغرض من السفرية علاجي لإن الموسم بيكون من نص يونيو لنص سبتمبر ودرجة الحرارة بتكون بين 27 – 38 °C. أما السياحة فأفضل وقت هو بداية اكتوبر وحتى أبريل.. حيث المناخ الدافي بالنهار وبرد بالليل ودرجة الحرارة بين 10 و25 °C… و بننصح بزيارة سيوة خلال الشتاء والخريف لو عاوز تشوف أفضل شكل للبحيرات المالحة لإنها بتكون أقرب للوحة فنية منها لأي شيء تاني!
