قام الرئيس عبد الفتاح السيسى، بتوجيه رسالة إلى إثيوبيا مفادها: «ضرورة التعاون فى ملف سد النهضة»، قائلا: “التعاون أفضل ونجرى مع بعضنا للتنمية.. أنا لمست خلال السنوات الماضية فى الأشقاء بأثيوبيا الشعور بعدم الراحة.. أنا بتكلم عن الرأى العام.. طب ليه؟.. احنا كلنا مع بعض ولازم نتعاون مع بعض فى مفاوضات سد النهضة والقضية عادلة”.
وتابع الرئيس السيسى، خلال كلمته في افتتاح مجمع الوثائق المؤمنة والذكية:؛ “نهر النيل ده موضوع ربنا سبحانه وتعالى.. هو اللى بيعمله ومجرى المياه من عند ربنا.. وأنها توصل إلى مصر من عند ربنا.. ومصر لو كانت على ارتفاع مكنتش المياه هتدخلها.. واللى عمله ربنا مش هيغيره البشر”.
