مطبخ نمبر ١ نيوز : شاورما الفراخ السورى بطريقة بسيطة فى المنزل

•بنجيب العيش السورى جاهز من اى محل سورى

•صدور فراخ نتبلها بالملح والفلفل وفصين حبهان مطحون والخل والليمون ورشة زعتر خفيفه ومعلقه كبيره ثوم بودر وبصل بودر وزيت ويفضل زيت الزيتون لو متوفر وكوب زبادى

•نسيبيها فى التتبيله على الأقل ساعتين وياريت يكون اكتر

•بعد كده بنشويها على الجريل او طاسه ممسوحة زيت بتتبيلتها اللى عليها .

•بعدين بقطعها واحطها فى العيش السورى مع الثوميه والخيار المخلل وبطاطس بومفريت والف العيش رول واحطه على الجريل مع نقطه زيت يتحمص

•الثوميه

•كوب لبن على نار هادية مع معلقتين نشا ونقلب وبعد ما يتقل زى المهلبيه نسيبه يبرد .

•ونحطه فى الكبه مع ٣ فصوصة ثوم كبيرة و معلقه مايونيز وملح وفلفل وممكن عصره ليمون وننزل عليهم بسرسوب زيت حوالى نصف كوب من شفشق الخلاط وهو شغال لغاية ما توصل للقوام المطلوب ولو القوام تقل زيادة نخففة بمية شوية بشوية .

وبألف هنا وشفا