” لو كُنت اتجوزتها ما كنتش كتبت فيها ( سهران لوحدي اناجي طيفك ) “
ده كان رد الشاعر أحمد رامي لما سألوه عن سبب عدم زواجه من الست ..
قصة رامي مع الست كانت من أقسى القصص اللي ممكن يمر بيها أي بني ادم ، رامي كان في مصيبة ( الحب من طرف واحد ) ..
رامي كتب في الست 135 قصيدة ، و الست و لا أي اندهاش .. تعالوا نشوف جزء من معاناة رامي
في قصيدة ” غلبت اصالح ” 1946 كتب لها :
” و انا اللى أخلصت في ودى و فضلت طول العمر امين
ياخد الزمان مني و يدي و قلبك أنت عليّ ضنين “
في قصيدة يا ظالمني 1951 كتب لها :
” أطاوع فى هواك قلبي و انسى الكل علشانك
و ادوق المر فى حبي بكاس صدك و هجرانك “
” رحمني اللى فرح فيا وبعد اللوم رأف بيا
وقلبك ما رحمني يوم “
و سنة 1961 كتب لها :
حيرت قلبي معاك وانا بداري واخبي
قولي اعمل إيه وياك ولا أعمل إيه و يا قلبي !
و كتب لها : ” هجرتك يمكن أنسى هواك و اودع قلبك القاسي “
و كمان كتب :
” اصون كرامتي من أجل حبي ، فإن النفس عندي فوق قلبي “
و مرة الست جرحته و كلمته بصوت عالي قدام الناس فكتب :
” مـن أنـت حـتـى تستبيحي عزتي فأهين فيك كـرامتي و دموعي ! “
حتى لما قرر يتجوز و يبعد ، فالست جابتله خاتم هدية ، فكتب لها :
” جددت حبك ليه بعد الفؤاد ما ارتاح ؟! “
