اعذريني
ماينفعش اعدي زي الغريب
والحزن فارش مالي عيونك
كان لازم أجي وانا القريب
واشوف ايه غيرك غير لونك
بلاش يوم تنكري مني الوجع
وازاي تخبي وانتي بحضن الجدع
ده اللي ليكي اكبر من الاحساس
لاوزن ولاتمن ولا كان بالمقاس
مع كل اه باتمني اكونك
واشكل ليكي كونك
يا وطن مرسوم وانا الحدود
ياحلم مقسوم وانا تفسيره والردود
إياكي بيوم يبعدك عني خجل
اوتهدمي بينا في بكره امل
بلاش وانا جمبك تلعب بيكي ظنونك
والقلب حالف يصونك
ليه سايبه فرحك ماشي عكس الاتجاه
وليه قلبك اتسلسل ماسك بحبال الاهه
والاحزان والدموع عندك تملي معازيم
والضحكه الغاليه غايبه وحضورها لئيم
قومي انفضي الهم واتمنيه يخونك
لاجل مايشفي قلب مفتونك
واحدك في زحمة سراب
تايه في عيونك كل الصحاب
متغلفه ليه بالف الف سور
دي الوحده كانت اول حبيب زور
عايش بيكي الوهم وعمره ماهيكونك
واول مين يخونك
قومي انفضي الهم واتمنيه يخونك
