أعلنت الفنانة إيناس عز الدين عن إجراءها عملية جراحية، مُطالبة جمهورها بالدعاء لها بالشفاء العاجل، وذلك من خلال حسابها الشخصي على موقع التواصل الاجتماعي “فيسبوك”. كتبت إيناس عز الدين في إحدى الجروبات الخاصة بها :”محتاجة دعوة حلوة منكم يا بنات من القلب و ياسلام لو افتكرتوني لحظة صلاة وانتوا بين إيدين ربنا ولكم من المثل أضعاف”.
وتابعت إيناس عز الدين :”أنا داخلة عمليات يوم الأربعاء فتق الحجاب الحاجز والمعدة اللي كانوا عندي من كذا سنة و عملتلهم عملية رجعوا تاني بس بزيادة والحالة اتدهورت فجأة ولا باكل ولا بشرب والدكتور حجزلي عمليات في أسرع وقت، بضحك و بهزر طول الوقت وكإن مافيش حاجة لإن حتى كلمة تعبانة بقيت بخاف أقولها من أصحاب النفوس والقلوب المريضة اللي حتى المرض بيشوفوه إدعاء وكأنهم ما داقوش طعمه قبل كده “.
وأضافت قائلة:” وكمان كل ده جاي وقت ما المفروض أغنيتي تنزل وبحاول انشر على صفحاتي طاقة إيجابية وبس وهم الدنيا كله بقى على كتافي، ومع ذلك هتنزل الأيام دي إن شاء الله ويارب تعجبكم و فيها مفاجأة لأول مرة يارب تنال استحسانكم”. واختتمت كلامها قائلة:” ربنا يلطف بعباده أنا بس محتاجة دعواتكم حقيقي وأنا عارفة إنكم مش هتبخلوا عليا”.
