- الشتا داخل على الابواب والكابوربا ابتدت تكتررر وتزييييد
في نوعين من الكابوريا، دكورا ونتي .
أنواع الكابوريا
- الدكورا اغلبيتها لونها أزرق ومليانة لحم ولحمها مسكر والقفل بتاعها من الضهر علامة رفيعة زي برج ايفيل
- النتي لونها اورانج ودايما مبطرخة جداً والإقبال عليها دايماً عشان مبطرخة، القفل بتاعها من الظهر عريض جداً.
طريقه غسلها، بتتنقع في مياه وتتشطف كويس مرتين وتتصفي بس …ا لكابوريا الطازة مالهاش ريحة أبداً.
طريقة شوى الكابوريا اسكندرانى
-اول طريقه المشوية. ترص الكابوريا في صاجة وتدخل الفرن بتاخد من 12 إلى 15 دقيقه في السوا. مبيتحطش عليها ملح لان لحم الكابوريا مملح طبيعي.يعد خروجها من الفرن نرشها بخلطة من عصير الليمون و الكمون و الكرفس و الثوم المفروم .
طريقة أخرى الخطوات
نغسل الكابوريا وننقعها فماء دافئ 5 دقائق حتى تتخلصى من الرمال العالقه بها.
-ضعى فى قدر على النار معلقه الزيت وانزلى بالبصله لحد ما تدبل.
-انزلى بالثوم وثم الكابوريا وقلبى كويس وانزلى بالملح والكمون والفلفل الاسود وهدى النار عليه واتركيها 20 دقيقه ومن حين لاخر قلبى الحله حتى يتغير لونها من الرصاصى للبرتقالى الفاتح .
تاني طريقه طريقة الحلة (السلق)
في حله حطوا الكابوريا وفص توم وبصلة متقطعة شرائح وفلفلة وطماطماية متقطعة وملح وكمون ولا يضاف لها مياه. وهي بتنزل مايتها طبيعي وبتستوي على نار هادية في خلال عشر دقايق مع التقليب كل شوية لغاية ما تشرب مايتها.
بالهنا والشفا .
