بسمة وهبة : «عندي تحفظ على أغاني الراب.. وحاسة إن ولادنا في خطر»

بسمة وهبة.. وجهت الإعلامية بسمة وهبة، رسالة لنقيب المهن الموسيقية الفنان هاني شاكر، بخصوص منعه لمطربي المهرجانات الشعبية، خلال إحدى فقرات برنامجها “90 دقيقة”، الذي يعرض حالياً عبر قناة “المحور”.

بسمة وهبة

وقالت بسمة وهبة أنها من الجيل الذي تربى على سماع أغاني الفنان هاني شاكر، وأن الخلاف بينها وبينه في وجهات النظر لا يعني أنهم أعداء، مُضيفة:” حضرتك أستاذ في الفن والغناء والأخلاق والاحترام، أنا من الجيل اللي أتربى على سماع أغانيك، وحقيقي أنا بحبك من كل قلبي، وبحترمك ومفيش حاجة بيني وبينك، مش معنى إني مختلفة معاك في وجهة نظر يبقى إحنا أعداء مع بعض أو أنا بتخانق لأ، بس أنا حابة أوضح بأعلى صوت عندي، إن عندي تحفظ كبير على أغاني الراب، وهفضل بكل قوة أحذر طول ما أنا عايشة من أغاني الراب”.

ووجهت رسالة للمشاهدين، قالت فيها:” السادة المشاهدين المحترمين، هل تقبلوا إن ولادكم وبناتكم وزوجاتكم يتفرجوا ويسمعوا هذه المهزلة؟، على فكرة أنا واحدة من الناس بنتي بتحب هذا النوع، وأنا مانعة تماماً إنها تسمعه، وعندي مشاكل وبكسر رقبتها إنها بتفكر تسمع هذا النوع من الغناء، ليه لأنه مش غناء، هو نوع من الغناء بيتطاول وبيدعوا للفحش والفسق”.

وواصلت كلامها قائلة:” للأسف كل الجيل اللي بيسمعه جيل الولاد الصغيرين، طب دول هيطلعوا بنربيهم على إيه؟، كل الكلمات اللي في أغاني الراب عن الجنس والمخدرات، وكل الأغاني مليانة إحاءات جنسية، والمطرب ماسك طبق بيلف مخدرات، أنا مقدرتش أنزل ده.

وأعربت عن سعادتها الكبيرة، بسبب القرار الذي اتخذه بشأن مطربين المهرجانات، مُضيفة:” أنا مبسوطة إنك شوفت حل في موضوع المهرجانات؛ لأن مش هيبقى فيه ألفاظ، ولا إيحاءات ولا الناس اللي بتقلع وتلبس على المسرح، لأن الجيل الجديد عامل زي السفنجة بيشربها، نعمل إيه في ولادنا يعني نغمي عنيهم ولا نسد ودانهم، طب على الأقل نقولهم إن ده عيب، لازم نفصل بين أهوائنا الشخصية ومسؤولية المنصب اللي إحنا فيه، لأن المنصب اللي إحنا فيه بيمس جيل بحاله، والله أنا قلبي واجعني وأنا بتكلم حقيقي تعبانة، حاسة إن ولادنا في خطر، إيه غسيل المخ اللي حصل لأولادنا ده”.

نرشح لك:

عادل شكل يهاجم هاني شاكر بعد وقفه: «هضحك مصر كلها عليك»