بعد الزج باسمه.. محمد نجاتي يكشف كواليس مشهد السرير «المُخجل» سبب طلاق منة عرفة
محمد نجاتي.. خرج الفنان محمد نجاتي، عن صمته بعدما تم الزج باسمه في أزمة انفصال الفنانة منة عرفة عن زوجها الشاب محمود المهدي بسبب مشهد في مسلسل «فيلا 101».
محمد نجاتي
وقال «نجاتي»:«أنا تم الزج باسمي في الحكاية وأولادي بيسألوني عن الحكاية، فالموضوع كان شائك عندي في البيت، ولقيت اسمي جوة حكاية طلاق ومكنتش متوقع أن الموضوع يوصل للمرحلة دي».
وأضاف «أنا بعمل مسلسل اسمه فيلا 101 وبيشاركني فيه نجوم ومنة عرفة طالعه اختي وانا دكتور أمراض نسا وهي أغمى عليها ومعايا بنتين في المشهد، وكان من الطبيعي إن أنا أشيلها لأني أخوها ولقيتها بتقول وقالتلي أنا ماضية إن محدش يشيلني».
وتابع: «فالمخرج قال هناقش المشهد دا بعدين ومش هنعمله أصلا دلوقتي، دخلنا في مشهد وهي نايمة على السرير وأنا كدكتور نسا بكتشف أن هي حامل، هكتشف ازاي أنها حامل من غير ماكشف عليها، وأجس النبض فرفضت منة، فالمخرج أصر على المشهد واليوم خلص وتاني يوم بيقولولي انها انفصلت عن جوزها».
واستكمل: «لقيت بعد كده أن الطلاق ده بسبب مشهد انا عملته وانا معملتش حاجة، والمشهد لا يستدعي ده واكتشفت الكلام ده على الانستجرام الخاص بزوجها محمود المهدي».
واختمم: «أنا إن شاء الله هكون موجود مع دكتور أشرف زكي يوم الأحد، عشان اشوف العقد إذ كان اللي مكتوب فيه أيه اللي مسموح لي أن أعمله وايه اللي مش مسمحولي، وأنا شايف أن ده شكل من أشكال إهانة المهنة لأننا في مهنة محترمة».
