تامر عبدالمنعم.. تصدر الفنان تامر عبد المنعم مؤشرات الأكثر بحثاً على موقع “جوجل”، بعدما رد على المطرب الشعبي حمو بيكا، وتوضيحه بأنه لم يقصد الهجوم عليه، وذلك من خلال حسابه الشخصي على موقع التواصل الاجتماعي “فيسبوك”.
تامر عبدالمنعم
حيث كتب منشورًا قال فيه:”السؤال للدكتور حمو بيكا ولا ما حموهوش، أنا ما هاجمتكش أساسًا، كل الموضوع إني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الإمتحان وربنا معاه يعني ما منعكش”.
وتابع قائلاً:”أما بالنسبة لوطنيتك اللي اقحمتها في الموضوع، أحب أقولك أنا لم أشكك فيها، وبالمناسبة وجودك أنت وفرقتك في احتفالات أكتوبر مش دليل عشان تستند عليه، شكراً، نسيت أقول لك شوف حد بيعرف يقرأ عشان يقرأ لك”.
وكان حمو بيكا قد هاجم تامر عبد المنعم في بث مباشر عبر حسابه على موقع تبادل الصور والفيديوهات”إنستجرام”، قال فيه:” لقيت ندوة كبيرة معمولة والدنيا مقلوبة علينا، فيها ممثلين وواحد ممثل اسمه تامر عبد المنعم ويقولك أنا مش هتكلم غير لما الناس تنزل من على المسرح، المكان اللي عامل عليه الندوة ده اسمه المنصة، متقولش مسرح أنت مش واقف تغني، الناس كلها بتتكلم باسم مصر، وأنا بحمل هوية مصرية وعندي ولاء أكتر منكم في البلد دي”.
وتابع قائلاً:”كنت فين لما نزلت أنا وجمهوري يوم عيد أكتوبر وعملنا احتفالية في الميادين المختلفة، هو أنتوا ليه بتتنمروا علينا، ليه بتعاملونا كأننا حشرة ليه شايفنا زبالة.. لا إحنا ولاد ناس ومتربيين وعاملين ندوة كبيرة ماتستهزأش بيا، عصر أم كلثوم وعبد الحليم انتهى، إحنا في سنة 2021 “.
نرشح لك:
عادل شكل يهاجم هاني شاكر بعد وقفه: «هضحك مصر كلها عليك»
حمو بيكا يهاجم تامر عبدالمنعم : «حقي هاخده وشوفلك حد ينضف قلبك من الغل والصفار اللي فيه»
