عمرو أديب : الزمالك خسر لأنه “جاله خضة وانهيار .. والاهلي عنده حظ غير طبيعي”
الأهلي استطاع أن ينتقم للعام الماضي كله والدوري اللي راح والماتشات اللي ضاعت
لم ينس الإعلامي عمرو أديب كعادته بعد كل مباراة قمة كروية أن يعلق على نتيجتها وأحداثها ، والكشف عن زملكاويته .. فقال بعد خسارة الزمالك بخماسية مقابل 3 أهداف أمام النادي الأهلي: “أول مرة في ماتش يجيلي صداع وأحس إن ضغطي عالي، وكل اللي في دماغي فرقة بتتغلب وبعد الجون الأول عادي والثاني والثالث والرابع والخامس، أول مرة أبقى عايز الماتش يخلص بعد تلت ساعة، وحاسس إننا داخلين على مصيبة كروية أو فضيحة كروية”.
عمرو أديب : الزمالك خسر لأنه “جاله خضة وانهيار .. والاهلي عنده حظ غير طبيعي”
وقال خلال برنامج “الحكاية” المذاع على قناة “إم بي سي مصر”: “اللي حصل في الدقايق الأولى أن نادي الزمالك جاله خضة وانهيار وحسيت إن كل حاجة بتقع وكل حاجة بتعدي قدامي وافتكرت أيام زمان، ولكن حاولت بقدر الإمكان أبلع اللي بيحصل بس ما تبلعش، ومدحت شلبي كان كل شوية يقول لنا ماتش كورة عادي ولكن الحق مكنش ماتش كورة عادي، بس بصراحة النهاردة الأهلي استطاع أن ينتقم للعام الماضي كله والدوري اللي راح والماتشات اللي ضاعت والأهلي قد انتقم تمامًا، وجت لحظة اننا هنبقى قدام سكور بايخ مش بس 6/1 ولكن نص العمى ولا العمى كله”.
أضاف : “كمان فيه حظ أهلاوي غير طبيعي والجون الأول يحسسك إن فيه حاجة غير طبيعية إن الكورة تخش جون، وضربة الجزاء الثانية مش بنالتي لأن لاعب الزمالك ما كانش عايز يخبطه، والهدف الأول حظ، ولكن الأهلي استحق الفوز”.
اقرا أيضا :
