أعلن الفنان تامر فرج، عن إصابته بانزلاق غضروفي خلال تصوير مسلسل “الآنسة فرح”، وذلك من خلال حسابه الشخصي على موقع تبادل الصور والفيديوهات “إنستجرام”.
كتب تامر فرج منشورًا قال فيه:” تأخرت في إعلان رأيي في احتفالية افتتاح طريق الكباش لإني للأسف ماشفتهاش يومها لإن في نفس التوقيت دكتور العلاج الطبيعي كان بيعمل احتفالية في ضهري لإصابتي بانزلاق غضروفي أثناء الانتهاء من تصوير الآنسة فرح، وأنا لما بيحص لى إصابات أو أمراض مابحبش أقول وانشر على السوشيال ميديا عشان الحاجات دي بتتنظر”.
وأضاف قائلاً:”المهم كان لازم استنى واتفرج على الاحتفالية عشان أقول رأيي الحقيقي وماكتبش أي حاجة وخلاص بناء على كلام الآخرين، والحمدلله أقدر أقول أني فخور جدا جدا ببلدي وبتراثها وبولادها وانبهرت باللي إحنا نقدر نعمله لما بيبقى لينا مزاج وإرادة حقيقة”.
وواصل كلامه قائلاً:” دلوقتى الواحد مش بس فخور بماضي بلده العريق لأ ده كمان يقدر يقول أنه دلوقتى فخور بحاضر بلده المنبئ بمستقبل مشرق”.
واختتم كلامه قائلاً:” تحية لكل عقل خطط وكل إيد نفذت ويا ريت الاحتفالية دي تتكرر كل سنة وتبقى موسم سياحي زي رأس السنة والأعياد والناس تجيله مخصوص من بره ومن جوه”.
