طريقة حفظ الخضرة لفترة طويلة

• الخضرة اللي بنشيلها فى البرطمان الخضرة دى بقالها عندى شهر واسبوع بجد فكرة ممتازة والخضرة فعلا كانها لسه جايه ولونها ما تغيرش ولا اصفر .
  الطريقه: بنغسل الخضره كويس جدا ونشفها كويس اوي وبعد كده نجيب برطمان زجاج ونحط فيه الخضره ومعاها معلقه معدن ونقفله ونحطه في باب التلاجه
  

انواع الخضرة الصالحة للتخزين

– تنفع لاي خضره كسبرة بقدونس شبت ملوخيه نعناع كله شغااال المهم ميكونش فيها ميه تتنشف عاادي بفوطه او في مصفي ويتحط معلقه اه بتاعه الاكل دي او شوكه لأمتصاص الرطوبة المهم حاجه معدن يعني دي اللي بتحافظ عليها

-وبالنسبه للبرطمانات اي برطمان ازاز بلاستيك مفيش فرق يعني تمام وتتحط متقعطه او بحالها عاادي بردو براحتك كله شغال .

اللي هيقول ان المعدن غلط حضراتكم احنا بناكل بيها يعني وبعدين مفيش حرارة علشان تتفاعل ووظيفة الملعقة انها بتمتص الرطوبة مش اكتر ودى تجربة عملتها ونجحت معايا وحبيت افيدكم بيها .