حمو بيكا يهاجم تامر عبدالمنعم : «حقي هاخده وشوفلك حد ينضف قلبك من الغل والصفار اللي فيه»
حمو بيكا.. هاجم مطرب المهرجانات حمو بيكا، الفنان تامر عبد المنعم، بعدما طلب منه أن يبحث عن شخص يجيد القراءة لكي يقوم بالقراءة له، وذلك من خلال حسابه الشخصي على موقع التواصل الاجتماعي “فيسبوك”.
حمو بيكا
كتب حمو بيكا منشورًا قال فيه:” الحمد لله أنا مش مستني حد زيك يقولي اقري أو مقراش، أنا معايا اخواتي هما عيني وضهري، أنا بقى اللي شوفلك حد ينضف قلبك من الغل والصفار والتنمر اللي فيه”.
وأضاف قائلاً:”يمكن ربنا يكرمك وتلاقي اللي ييدك دور تمثله ولا حاجة، وحسبي الله ونعم الوكيل في كل شخص معاه سلطة وبيتحكم في خلق الله احنا معانا ربنا مش سلطة وقرارت وحقي هاخده”.
وكان تامر عبد المنعم قد كتب مؤخراً منشورًا عبر صفحته الرسمية على موقع” فيس بوك”، قال فيه:” السؤال للدكتور حمو بيكا ولا ما حموهوش وكان إيه علاقة الحج نجيب ساويرس أما دافع عنكم ؟! ثم أنا ما هاجمتكش أساسا كل الموضوع أني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الامتحان وربنا معاه يعني ما منعكش”.
وتابع قائلاً:”أما بالنسبة لوطنيتك اللي اقحمتها في الموضوع أحب أقولك أنا لم اشكك فيها وبالمناسبة وجودك انت وفرقتك في احتفالات أكتوبر مش دليل عليها عشان تستند عليه، شكراً، نسيت أقولك شوف حد بيعرف يقرأ عشان يقرالك “.
نرشح لك:
عادل شكل يهاجم هاني شاكر بعد وقفه: «هضحك مصر كلها عليك»
