مقادير عمل الحمام المحشي بالفريك:
2جوز حمام
بصلة كبيرة مفرومة
ربع كيلو فريك مغسول ومنقوع 1/2ساعة
رشة قرفة
رشة من بهارات السبعة
ملح
فلفل اسود
كبد وقوانص مقطعة صغيرة
مكعب مرق
ربع كوب ماء
طريقة تحضير الحمام المحشي بالفريك:
1- بعد ما نضفت الحمام وغسلتة ونقعتة 10دقايق في مية وملح وليمون و دقيق و رشة جنزبيل مطحون أصفية من اي مية وكمان ناخد بالنا واحنا بنغسلة من عند الرقبة ميتخرمش عشان نعرف نحشية .
2- علي النار في طاسة انزل بمعلقة سمنة تسخن اوي انزل البصلة واشوحها وانزل بالكبد والقوانص المتقطعة صغيرة واقلبهم وانزل بالفلفل والبهارات سبعة واقلبهم اول مالكبد والقوانص تدخل في السوا والبصلة تاخد لون انزل الفريك واشوحة مع البصل لغاية مالفريك يتشوح معاهم وانزل بنص كوباية ماية مغلية مكعب المرقة واضبط الملح واهدي النار يستوا نص سوا .
4- ملحوظة الفريك (يكون متصفي من اي مية خالص).
5- هاتي الحمام افصلي الجلد عن اللحم براحة خالص وابتدي احشي من عند فتحة الزور وأنزلي لتحت ومتحاوليش تمليها اوي عشان متفرقعش لما ييجي الفريك ينفش يلاقي مساحة واحشي البطن وكتفية او خيطية .
6- هاتي مية سخنة بتغلي في حلة حطي بصلة متقطعة وحبهان وورق لورا وملح وفلفل اسود ونزلي فيها الحمام على ضهرة واول ماتغلي الماية هدي النار وغطي وسبيها لمده ساعة , بعد ساعة اختبري سوا الحمام امسكي الجناح براحة لو نزل لتحت يبقي استوي طلعية وصفية من الشوربة وطلعية حمرية في زيت يتحمر ويكون لونة دهبي و ممكن تدهنية سمنة وتدخلية الفرن ياخد لون .
اقرأ ايضا :
لازانيا.. بالبشاميل و الطماطم سهلة و لذيذة
طريقة سهلة لعمل (الزهرة).. القرنبيط المقلي المقرمش
