دنيا سمير غانم توجه رسالة لوالديها بعد غنائها في احتفالية «قادرون باختلاف»
دنيا سمير غانم.. أعربت الفنانة دنيا سمير غانم، عن سعادتها الكبيرة بمشاركتها في احتفالية قادرون باختلاف، التي قامت بالغناء فيها أمام الرئيس عبد الفتاح السيسي، وذلك من خلال حسابها الشخصي على موقع تبادل الصور والفيديوهات “إنستجرام”.
دنيا سمير غانم
نشرت دنيا سمير غانم صورة لها، وعلقت عليها قائلة:”تشرفت النهاردة بالغناء أمام سيادة الرئيس عبد الفتاح السيسي في احتفالية قادرون باختلاف، وسعدت و تشرفت بكلامه ليا جداً وبنظرته اللى كلها أبوة”.
وتابعت دنيا سمير غانم: “أحب أشكر الجمهور العظيم اللي دايما بيشجعني وشفت في عنيهم وفي ردود أفعالهم فرحتهم بوجودي في الحدث الهادف مع الملائكة اللي كانوا سبب في ثقتي بنفسي انهارده بإحساسهم الصادق في تعبيرهم عن حبهم ليا الحمد لله وفرحتهم باليوم ده وإن فى حد مهتم بيهم وبيفكر فيهم وفي احتياجاتهم”.
وأضافت قائلة:”وبشكر كل الزملاء والأساتذة إللي اتشرفت إني كنت موجودة معاهم في نفس الحفلة و علي رأسهم الموسيقار الكبير عمر خيرت وأستاذ أشرف عبد الباقي سعيدة جدا إني ابتديت يومي بتشجيعهم وحرصهم انهم يطمأنوا عليا قبل ما أطلع و كمان زملائي الأعزاء مصطفي شعبان ويوسف الشريف والمذيعين شريف مدكور وإيمان الحصري اللي مروا بظروف صعبة وعدوها بكل قوه وثبات بفضل ربنا ورحمته و كنت مبسوطة بيهم و حسيت بأد إيه أغلب الموجودين مننا كان عندهم تحديات في حياتهم زي الملائكة اللي استمددنا قوتنا منهم انهارده ومن أهلهم الأبطال”.
وواصلت كلامها قائلة:”بشكر كل القائمين علي الاحتفال د/أمل مبدا الأم التانية للقادرون باختلاف، فخورة جداً بأخويا هشام جمال؛ لإنه اشتغل وتعب من قلبه في إخراج الحفلة والأغاني واختيار الأصوات اللي دخلت قلوبنا كلنا وعن نفسي بشكره علي أغنيتي “بلادي اسلمي” كلمات الشاعر الموهوب محمد إبراهيم وألحان العبقري المتنوع هشام جمال وتوزيع الموزع الشاطر جدا مادي”.
واختتمت كلامها قائلة:”وفي النهاية حبايبي الغاليين بابي ومامي تأثرت جداً النهاردة إني لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي ربنا معاكي يا حبيب بابي، يا رب أكون شرفتكم، بحبكم و وحشتوني أوي، ربنا يرحمكم يا أغلي حاجة في حياتي”.
