ريم أحمد تكشف عن تفاصيل مشاركتها في مسلسل «إلا أنا».. «معلق مع الناس زي ونيس»

ريم أحمد.. أعربت الفنانة ريم أحمد عن سعادتها الكبيرة بردود الأفعال التي تلقتها على دورها بمسلسل “إلا أنا”، الذي يشهد عودتها للدراما بعد غياب أربع سنوات، مُضيفة:”انبسطت جداً من ردود فعل الناس على الدور، ولقيت منشن كتير إيه ده هدى بنت ونيس كبرت، ولقيت ناس مستنياني وببيقولي ليه اتأخرت انت فين كل دا؟، وكومنتات معظمها إيجابي واتفاجئت بردود الفعل، ولقيت الناس كلها مبسوطة بالمسلسل والدور، وردود الأفعال شجعتني أكتر”.

ريم أحمد

وقالت ريم أحمد في تصريحات صحفية لها أن سبب ابتعادها عن الجمهور طيلة الفترة الماضية هو انشغالها بالمسرح، وأنا تعمدت الاختفاء عن الجمهور لكي تعود لهم في فترة عمرية مختلفة،أنا كبيرة، مضيفة:”اختفيت شوية عن قصد عشان أرجع وأنا كبيرة، وفي فترة عمرية مختلفة،وكنت بقدم برنامج ست الحسن، وكنت بقدم مسرح في 2019، وخدت جائزة أفضل ممثلة من المهرجان القومي للمسرح، والمسرح خدني”.

وأضافت قائلة :”معرفش اشتغل بسهولة لإني عاملة حاجة معلقة مع الناس زي مسلسل ونيس، وحاجة مهمة ودخلت البيوت، فلازم لما أرجع أرجع بنفس القوة، حاجة تدخل قلوب الناس برضو، والبيت المصري يكون بيحب يتفرج عليها، حبيت لما أرجع معملش حاجة مختلفة أوي عن ونيس، بس ممكن بقا بعد كدا أغير عادي، واشوف إمكانياتي، وكان توفيق من عند ربنا إن أرجع بمسلسل إلا أنا اللي معلق مع الناس وداخل البيوت المصرية زي ما كان ونيس عامل وقتها، ولقيت الحواديت لامسة الناس، ومسلسل إلا أنا ناجح جداً وبنستنى كل حكاية جديدة”.

نرشح لك: إيمان الحصري تروى رحلة الـ«21 يوم» الشاقة بين السما والأرض (فيديو)