مي كساب تتغزل في زوجها بعد احتفاله بعيد ميلادها وتُعلق:” بحبك يا جنرالي”
وجهت الفنانة مي كساب رسالة مليئة بالحب لعائلتها بعدما فاجأوها بالاحتفال بعيد ميلادها، وذلك من خلال صفحتها الشخصية على موقع التواصل الاجتماعي “فيسبوك”.
شاركت مي كساب جمهورها بصورة لها، وعلقت عليها قائلة:”مع بداية يوم جديد في سنة جديدة من عمري أبوه فعلاً أنا بأبص لنفسي عمري ما بأحس إني كبرت في السن كبرت في العقل بس لكن قلبي بيبي بريئ قسوة الحياه ما قدرتش برضه تلوثه”.
وأضافت قائلة :”الحمد لله حتي يبلع الحمد منتهاه على كل نعمه ليه، النهاردة كان يوم مختلف عشان ولادي وجوزي وأبويا عملولي عيد ميلادي، وصحيت من النوم بعد يوم تصوير شاق جداً علي مفاجئتهم ليه، كانت بسيطة وجميلة وصادقة من أنقي القلوب في عمري، أبويا وجوزي وولادي ربنا يخليكم ليه يا نور الحياة، بحبكم حب كبير قوي قوي”.
وتابعت قائلة :”شكراً لكل حد كتبلي كلمة حلوة من قلبه، شكراً حبيبه قلبي صابرين النجمة الكبيرة قوي، شكراً فريق عملي شركاء الكفاح علي أول عيد ميلاد، شكراً سالي وفاطمة وسارة أصحابي اللي صممو يكونو معايا رغم سوء الجو”.
واختتمت كلامها قائلة:” الحب الصادق نعمة كبيرة قوي، وأخيراً جوزي يا ابن الاصول بحبك يا جنرالي، ربنا يكرمك زي ما أكرمتني، كل شمعه طفيتها من امبارح، النهارده كنت بأدعيلك قبلي ربنا يخليك لينا وتحقق كل أحلامك ويبعد عنك أي شر طول ما إنت كويس أنا كويسة وسعيدة، واللي فات من عمري كوم واللي جاي كوم نبدأ بقي من يوم السبت بداية جديدة، جمهوري بحبكم قوي شكراً علي كل الحب اللي غمرتوني بيه النهاردة”.
