المخرج الكبير حسن الإمام أثناء تحضيره فيلم الخطايا وقف أمام مشكلة كبيرة مين هيعمل دور اخو عبد حليم حافظ
كان فيه اقتراحات كتيرة حتى تم ترشيح حسن يوسف للدور
عبد الحليم اقتنع جدا رغم انه لا يعرفه شخصيا
حليم خد رقم حسن يوسف واتصل بيه وقاله(احنا ما ينفعش نطلع اخوات في فيلم كل الناس هتشوفه واحنا ما نعرفش بعض… تعالي البيت عندي نقعد ونتكلم)
حسن يوسف ما كدبش خبر وراح قعدوا وتكلموا بعدها أصر حليم ان حسن ما يروحش بيته
وانه هيقعد معاه الشهر اللي فاضل علي بداية التصوير
وقاله (احنا جسمنا قد بعض وهتلبس من لبسي)
وعاش حسن يوسف مع حليم شهر كامل لنشوف بعد كده احمد وحسين احلي اخين في السينما في فيلم من اهم افلامها (الخطايا)
رحم الله العندليب ورحم زمن الفن الجميل
من صفحة ذكريات حياتنا
