انسان نزلة خاطر
اول مرة تسمع الاسم ده فأحب اقولك ان ده اسم اقدم تاني انسان تم اكتشافه في مصر و عمره 35 الف سنة
طب ايه حكايته بالظبط
حكايته يا سيدي ان في التمانينات كانت بعثة بلجيكية بتنقب في سوهاج في مدينة طهطا و تحديدا في منطقة اسمها نزلة خاطر و اكتشفوا هيكل عظمي لانسان مدفون في المكان اللي بينقبوا فيه المفاجاة بقي مش في انهم اكتشفوا هيكل انسان ، المفاجاة كانت في عمر الانسان ده اللي اكتشفوا انه انسان من العصر الحجري و عمره اكتر من 35 الف سنة .. متخيل الرقم اخدوه معاهم بلجيكا و رمموه و عملوا عليه دراسات و قارنوه بالهياكل اللي تم اكتشافها من نفس العصر في افريقيا و الشام لكن اكتشفوا انه اقرب تشابه لانسان جنوب اوروبا اللي عاش في نفس العصر و اكتشفوا كمان انه بيختلف تشريحيا مع انسان عصرنا الحالي الانسان ده مات في عمر بين ال 17 سنة و ال 20 سنة و اكتشفوا كمان جنب رفاته فأس مصنوع من قرون الغزلان و ده بيوحي انه كان بيشتغل في محجر قريب من نفس اللي المكان اللي ادفن فيه قولنا ان انسان نزلة خاطر تاني اقدم انسان تم اكتشافه في مصر .. طيب مين الاول
الاول يا سيدي هو انسان الترامسه و ده لطفل صغير عمره 10 سنين لمات مات و عمره حاليا 55 الف سنة
انسان نزلة خاطر تم استعادته من بلجيكا و هو حاليا معروض في #متحف_الحضارة عشان اللي يحب يشوفه و يشوف ان جذور المصريين تمتد في هذه الارض الطيبة لالاف السنين
(من صفحة مدير سياحة)
