أكد حسام حسن، المدير الفني لفريق الكرة بنادي المصري البورسعيدي، أن فريقه كان الأقرب للفوز على الأهلى أو تحقيق التعادل على الأقل.
وأضاف حسام حسن، خلال مداخلة هاتفية ببرنامج “اللعيب” الذي يقدمه مهيب عبد الهادي بقناة “إم بي سي مصر”: “إحنا مش هنعمل مؤتمرات صحفية بعد خطأ تحكيمي، والمنظومة لن ينصلح حالها”.
وقال : “مساعد الحكم هددني على الخط، وقاللي مش هسيبك وهبطلك كورة، وأنا هاخد حقي إزاي؟ ومش مصدق أن الحكم المساعد بيقولي هبطلك كورة ومش هسيبك؟ فيه حاجة اسمها كرامة ووسام الجمهورية اللي أخدته سنة 90 و98.
وأضاف: “أعطيت لبلدي واجتهدت في حياتي واتكسرت واتعورت حبا في البلد وفيه واحد في المنظومة قلل مني وأنا مش مقتنع أن وزير الرياضة ولا رئيس اتحاد الكرة هيديني حقي”.
وتابع: “بقول للناس المسئولة عن منظومة الكرة احترموا الرأي العام اللي ماشي في الشارع اللي كانوا نفسهم نمسك المنتخب”.
وقال : “أنا عايز حقي من الاحترام، فيه حكم مساعد في مباراة الأهلي غلط فيا، وأنا اتهنت يا ريس وعايز حقى”
وأضاف: “مش بتكلم على بنالتي أو هدف ملغى لو الماتش حتى يولع أنا كرامتي اتهانت يا نهار أسود، أنا ممكن السنة اللي جاية أسيب البلد خالص ومش هقعد فيها”.
