كشفت النجمة سميرة سعيد عن وجود مشروع لعمل أغنية دويتو تجمع بينها وبين النجمة شيرين عبد الوهاب في الفترة المقبلة.
وقالت سميرة سعيد خلال مداخلة هاتفية مع الإعلامي يوسف الحسيني ببرنامج “التاسعة” المذاع عبر القناة الأولى المصرية: “إن شاء الله بنفكر نعمل حاجة مع بعض، لما نلاقي الشكل الغنائي والموضوع المناسب اللي ممكن نطلع بيه”.
وأضافت: “شيرين من الأصوات اللي أحب أعمل معاها دويتو والفكرة مطروحة”.
وردا على سؤال الحسيني حول تفاصيل زيارة شيرين عبد الوهاب لها قالت سميرة سعيد: “شيرين جميلة وبنت بجد جدعة وأنا بحبها، وكريمة وطيبة فوق ما تتخيل، ودايما الطيبين بيحصل لهم مطبات في الحياة، لكن هي دمها عسل وقعدتها لذيذة وأنا بنبسط لما أشوفها”.
رسالة إلى شيرين
ووجهت سميرة سعيد رسالة دعم لشيرين قالت فيها: “أنا بحبها تبقى أسرارها لنفسها، ودايما بقول لها مفيش داعي كل حاجة تبقى على الملأ، وحب الناس أهم ليكي وهو اللي باقي في الآخر”.
وتابعت: “عايزاها طول الوقت تبقى قوية وجامدة، ومفيش حاجة تستدعي الانكسار والضعف، وهي هتقوم إن شاء الله”.
