محامي الخطيب يحدد موعد تنفيذ حكم حبس مرتضي منصور
![](https://i0.wp.com/number1.news/wp-content/uploads/2022/08/الخطيب-ومرتضي-منصور.jpg?resize=460%2C258&ssl=1)
تقدم محمد عثمان، محامي الكابتن محمود الخطيب رئيس النادي الأهلي، ببلاغ إلى معالي النائب العام يطلب فيه إدراج اسم مرتضى منصور رئيس نادي الزمالك على قائمة الممنوعين من السفر خارج البلاد وترقب الوصول، لحين تنفيذ الحكم النهائي البات الذي صدر ضده يوم الأربعاء الماضي10/8/2022 في الجنحة رقم 430 لسنة 2022 جنح مستأنف اقتصادي بالسجن لمدة شهر مع الشغل، وإلزام المتهم أتعاب المحاماة.. وأشار محامي الكابتن محمود الخطيب في بلاغه للنائب العام إلى أن المتهم قد يلجأ خلال الساعات القادمة للسفر خارج البلاد للإفلات من تنفيذ العقوبة واجبة النفاذ، إعمالًا لنص المادة 460 من قانون الإجراءات الجنائية.
وصرح المستشار القانونى للنادى الاهلى محمد عثمان بما يلي :
“علشان منعا للبلبلة مرتضى منصور محامى وفاهم القانون .. يلعب بنج يلعب سيجه هو عارف إن
الحكم على مايوصل تنفيذ الأحكام فى دائرة القسم الخاص محل إقامته والنادي محل عمله بيأخد من ١٥ ل٢٠ يوما
وقال : عادى يظهر ويلعب ويتكلم براحته لكن بعد المده دى ياما يختفي ياما يسلم نفسه مافيش حل ثالث والعقوبة واجبة النفاذ حتى لو لجأ لمحكمة النقض وده حقه لكن علشان يروح النقض لازم يكون بينفذ العقوبه ده قانون وهو فاهمه كويس
أضاف : يبقى لازم هاينفذ العقوبة ودى خلاص بقت سابقه فى الفيش الجنائى بتاعه لايقدر يترشح تانى فى النادى ولا اى حاجة مجلس شعب مجلس شوري ولا حتى على منصب فى نقابة المحامين .
وكان مرتضي منصور قد صرح أنه سيرد سيرد على الخطيب ومحاميه فى الوقت المناسب ، وأن لديه مفاجأت فى جعبته .