الفنان الراحل أحمد زكي في لقاء صحفي أواخر التسعينات قال :
انا إندهشت لأني لقيت الأستاذ داوود عبد السيد المخرج بيقولي تعمل شخصية عبد الحليم حافظ قولتله يا نهار إسود .. قولتله لا مش اوي كدة يعني .. لأن عبد الحليم حافظ أغانيه موجودة في قلب التليفزيون والناس عمالة تتفرج عليها وشخص رهيف وحساس وتلات أربع حياته أغاني ، قولتله ما تجيب مطرب قالي المطرب مش هيغني أغانيه لأن أي حد هيغني أغانيه باظ الفيلم .. فعبد الحليم حافظ هو اللي هيغني .. قولتله هطلع أحرك بوقي قالي ولا انت هتفتح بوقك علي أغانيه .. الأغاني هتنزل زي الفيديو كليب كدة علي أحداث فيلم عبد الحليم حافظ ، قولتله طب ما تجيب واد صغير يشبهله كدة ونحيف وبتاع .. فقالي لا احنا هنعمله لغاية ما مات .. فالصغير هنكبره بالمكياج والكبير هنصغره ، قولتله انتوا عايزين مني ايه ؟! .. قالي إحنا عايزين إحساس أحمد زكي
