تواجد الجمهور الكبير في حفل ويجز أدي الي نهايته بشكل فيه دراما شوية.. عدد الحضور كبير تقريبا وصل من 35 لـ 50 وده العدد اللي جوه الحفل فقط وفي عدد كبير جداً معرفش بدخل الحفلة. وده أدي إلى انهاء الحفل بشكل إجباري مع فصل الصوت وويجز علي المسرح وجزء من الإضاءة عشان يتم السيطرة علي الموقف. ولكن في حاجات إيجابية كتيرة كانت في الحفل أهمها ان ويجز بيثبت نفسه بقوة كبيرة كواحد من أهم مطربين الشباب في الوقت الحالي وكمان قادر علي منافسه المطربين الكبار. ويجز استعان بعناصر خبرة من خارج مصر للمساهمة في خروج حفله علي الطراز العالمي بجانب عناصر الخبرة المصرية وده كان واضح في شكل المسرح والشاشات والاستعراضات وغيرها من التفاصيل المهمة في شكل الحفل النهائي. وكمان ويجز قادر علي بيع تذاكر مهما كان عددها لإنه صاحب حضور مختلف وقادر علي منافسة الكبار. ويجز في الحفلة تألق وابدع وقدم عدد كبير من الأغنيات الشهيرة واللي تفاعل عليها الجمهور واختتم الحفل بأغنية “البخت”
