علقت الفنانة فدوى عابد على نجاح دور “دعاء” الذى قدمته فى مسلسل “سابع جار”، وعرفها الجمهور من خلاله، موضحة أن البعض أعتقد أن شخصيتها بهذا الشكل فى الحقيقة.
وتابعت فدوى عابد خلال حوارها مع الإعلامية منى الشاذلى فى برنامج “معكم منى الشاذلى” على قناة cbc، مؤكدة أن ترشيحها للدور جاء عن طريق هبة يسرى إحدى مخرجات المسلسل.
أضافت: “أنا أصلا رسامة، لكن وأنا صغيرة كنت عاوزة أغنى، ولما كبرت كنت طبعا نفسى أمثل بس.. بعد ما خلصت الجامعة وبشتغل حسيت إن عندى حاجة عاوزة اعملها فى التمثيل،
ومرة كنت فى حفلة فقابلت هبة يسرى واحدة من مخرجات المسلسل وقعدنا نضحك وقالت لى ايه مش عاوزة تمثلى قلت لها طبعا قالت لى طب لو عملت حاجة هبقى أقولك،
وبعدها بسنتين كلمتنى وقالت لى روحى اعملى اوديشن ففرحت جدا”.وتابعت فدوى عابد :” شخصية دعاء استمرت معايا كتير.. كنت محتاجة فترة نقاهة بعد المسلسل على ما هى تمشى وتسيبنى،
لغاية النهاردة الناس فاكرة شخصيتى الحقيقية هى دعاء، ويقابلونى ويقولوا إيه ده قلعتى الحجاب ليه، عشان أنا مش محجبة، دعاء بتطلع بشعرها أحيانا يا جماعة.. ده دور”.
