ياسمين عز للستات أوعي تطلبي فلوس من جوزك في هذا التوقيت

وجهت الإعلامية ياسمين عز، رسالة إلى السيدات في كيفية التعامل مع أزواجهن في ظل الأزمة الاقتصادية الحالية التي تمر فيها مصر والعالم كله. وقالت “ياسمين عز” خلال تقديم برنامجها “كلام الناس” المذاع على فضائية “إم بي سي مصر” مساء اليوم الجمعة: “رسالتي لبعض السيدات اللي عندهم أزمة اقتصادية رفقًا بالرجال”. وأضافت “متبقيش انتي والزمن عليه. حسسيه انك معاكي على المرة قبل الحلوة ومتزوديش ضغوطه ولا تحمليه بمسؤوليات فوق طاقته”. وتابعت “الأهم اياكي تقعدي تبكتيه وتنقرزيه بكلام وتحسييه أنه اقل من الناس اللي حواليكوا. بلاش تفضحي جوزك قدام أهلك وأهله وأولادك”. واستطردت “انتي بتكسريه وتجرحيه باللي بتعمليه. هو لو عنده هيدي هو لو معاه هيجيب انتي لا تعلمي كم الوجع اللي بيحس به لما أولاده يطلبوا منه حاجة وهو مش قادر يعملها”. وأردفت “هو راجع من الشغل عايز يأكل لقمة ويشرب كوباية شاي ويريح شوية علشان ينزل يشتغل شغلانة تانية. المفروض تبوسي دماغه وتقوليله ربنا يخليك ليا يا حبيبي”. واستكملت حديثها “مش تقعدي تشكي انا ايش تضمني انك نازلة الشغلانة التانية. هو ولا في دماغه هو عايز ينزل يشتغل الشغلانة التانية. ربنا ما يكسر أي راجل قدام ولاده خصوصا في الأوقات الصعبة اللي ز يدي”. وتابعت “ارجوكي في وقتين اوعي تطلبي فيهم فلوس من الراجل. اول ما يصحى من النوم وقبل ما ينام بالليل. طلباتك بالليل ممكن تجيبله جلطة بالليل من كتر التفكير. خليكي في الوسط وعقبال ما يرجع تبقي خلصتي طلباتك”.