حكمت محكمة جنايات المنيا برئاسة المستشار أحمد يوسف الفرارجى وعضوية المستشارين حسين على نسيره ومحمد فوزى الجابري وهيثم ابو جبل، وبحضور محمد ابو العينين وكيل النيابة وبامانه سر وائل عبد الحميد عبد المطلب حضوريا بمعاقبة المتهم محمد.ر.م.ش بالسجن المشدد لمدة ٣سنوات والزامه بدفع المصاريف الجنائية.
كان العميد أحمد الحينى مأمور مركز شرطة سمالوط تلقي إخطارا من غرفة عمليات النجدة يفيد ضبط الأهالى محمد.ر.م.وشهرته شلقامى ٢٥ سنه عاطل مقيم منقطبن أثناء سرقة هاتف الطفلة ماري مينا لبيب.
أكدت التحريات الأولية للرائد محمد ابو العزائم والتى اشرف عليها العقيد وليد طراف مفتش المباحث صحه الواقعة. تم ضبطه والتحفظ على الدراجة البخارية توك توك والذى يحمل رقم ٥٤١٣ ن ع ق وشاسيه رقم ۹۱۲۲۱ وموتور رقم ٠٢٦٣٨ وبالمعاينة الأولية وجد به كسر بالزجاج الأمامي حدث اثناء محاولة الاهالي استيقافه عند محاولته الهرب.
كان المستشار طارق جلال صوفى المحامى العام لنيابات شمال المنيا أحال الجناية رقم ٨٨٨٩لسنه ٢٠٢٢ جنايات سمالوط والمقيدة برقم والمقيدة برقم ١٠٣٠ لسنة ٢٠٢٢ كلى شمال المنيا إلى محكمة الجنايات لانه فى يوم ١٥ يونيه الماضي.
شرع في سرقة المنقول المبين وصفا بالأوراق والمملوك للطفلة المجني عليها ماري مينا لبيب سعيد وكان ذلك بطريق الاكراه الواقع عليها بأن أبصرها مترجلة بالطريق العام فأقترب منها مستقلا دراجة بخارية ونزع هاتفها المحمول من جيب بنطالها مستغلا وهنها وحداثة عهدها وما ان شرعت بمقاومته . أمسك برقبتها دافعا إياها أرضا قاصدا من ذلك بث الرعب في نفسها وشل حركتها لإتام جريمته إلا انه اوقف اثر جريمته لسبب لا دخل لارادته فيه وهو ضبطه بمعرفة الأهالي.
احرز أداة كاتر بدون مسوغ قانوني او مبرر من الضرورة المهنية او الحرفية لحمله.
قالت الطفلة ماري مينا لبيب ١١ سنه طالبة في تحقيقات النيابة ان اللي حصل انا كنت رايح الكنيسه انا واختى الساعة ٦ وبعدين مره واحده لقيت توك توك قرب عليا قوى من ناحية الشمال وكنت حاطه التليفون في جيب البنطلون وراح اللى كان راكب التوك توك سحب من الجيب التليفون فرحت زعقت ومسكته من ايده وفضلت اشد في التليفون علشان ميخدوش مني فمسكني من رقبتي فوقع التليفون ع الارض والناس اتلمت وجت الحكومه واخدوه وهو ده كل اللي حصل.
قال المتهم محمد.ر.م.ش ٢٦سنه حاصل على دبلوم صناعة ومقيم منقطين هو اللى حصل انا شغال على توك توك وان كنت ماشي في شارع المطحن بندر سمالوط عند موقف منقطين وبعدين شفت بنت كانت ماشيه وحاطه تليفون فى جيب البنطلون وهو كان باين وانا رحت معدى جمبها وسحبت من الجيب التليفون واخذته والبنت زعقت حرامي حرامي والناس اتلمت والحكومة كانت معديه وجت جنبها ورحت المركز وعملولى محضر وعرضوئى على النيابة وهو ده كل اللى حصل وانا مش اعمل كدة تأنى واتعلمت الادب خلاص .
أمرت نيابة سمالوط بتسليم الهاتف للمجني عليها وحبس المتهم ومراعاة التجديد في الميعاد والتحفظ على التوتوك المستخدم في ارتكاب الجريمة والإستعلام عن مالكه، فاصدرت المحكمة حكمها المتقدم في القضية.
