كشف الفنان أحمد عيد تفاصيل تصريحه المثير للجدل والذى قاله أثناء تواجده في المملكة العربية السعودية للمشاركة فى فعاليات مهرجان joy awrods .
وكان قد تم تداول تصريح منسوب للفنان أحمد عيد، بشأن تعرضه للظلم، بسبب قلة مشاركته في الأعمال الفنية.
وقال الفنان أحمد عيد خلال حسابه عبر موقع فيس بوك: “مساء الفل لقیت تصریح متاخد من سياقه من كلام كان بيتقال بهزار أنا حابب أوضح إني مقصدش اشتكي ولا أبان عندي مظلومية”، مضيفا: “أنا الحمد لله بيتعرض عليا شغل كتير وأنا اللي مش عايز اشتغل غير اللي شايفه كويس احترامًا لنفسي وللجمهور”.
وأضاف الفنان أحمد عيد: “أنا مش فارق معايا اشتغل أصلا أو مشتغلش، المهم أعمل اللي أنا مقتنع بيه، انا ماديًا مش محتاج ولا عندي مشكلة الحمد لله وكلامي بيتحور احیانًا عشان أبان بشتكي أو مظلوم ليه مش عارف”.
وأكمل الفنان أحمد عيد: “وبالنسبة للأخ اللي عمل تعليق على الصورة بيقولي مالك يا أستاذ أحمد عينك فيها حزن ليه وسايب دقنك وشنبك عايز أقوله إن بس ده “راكور” عشان بصور حاليا وبجد بشكركم كلكم على رسائل وبوستات الدعم والمحبة”.
وقال أحمد عيد في تصريحات تليفزيونية علي هامش الحفل: أنا مبقتش موجود على الساحة، وتفاجأت بدعوتي لـ حفل joy awards وفرحت جدًّا إنهم افتكروني، ونفسي آجي تاني، ونهضة السعودية الفنية هتفيد الوطن العربي بأكمله لأن كلنا واحد وبنتشارك في نفس اللغة والتراث، وأنا جيت السعودية وعملت مسرحية من 20 يوم ويمكن عشان كدا افتكروني.
وشارك الكثير من جمهور أحمد عيد حديثه مؤكدين أنه فنان موهوب بشكل كبير ويستحق أن يتواجد باستمرار على الساحة الفنية، وأن غيابه عن الساحة السينمائية والدرامية يؤثر كثيرًا.
كما تطرق أحمد عيد عن مشاركته في مسلسل عملة نادرة وعودته للدراما بعد غياب، قائلًا: المخرج ماندو العدل مؤمن بيَّ ولو بقيت كويس في المسلسل دا هيكون نجاح كبير بالنسبة لي لأني خايف من الدور وهقدم حاجة مختلفة، وأنا من زمان اشتغلت مع مخرجين كتير ولكن ماندو محترف وأنا سعيد إني برجع للدراما معاه.
