أمير مرتضى منصور .. في شعرة صغيرة بين النجاح والفشل ويهاجم السوشيال ميديا
قال أمير مرتضى منصور في مداخلة هاتفيه ببرنامج زملكاوي عبر قناة الزمالك: “اللعيبه بني آدمين إحنا اللي بنفشلهم وننجحهم لما كل5 ماتشات نبدأ نقيمه مش هينجح كل النماذج اللي نجحت أخدت وقت زيزو قعد سنه ما أحرزش أهداف ومستواه تطور خلال 3 سنوات وتوهج، الناس تبص على إمام عاشور انضم في 2019 الناس بدات تلاحظ ان في لاعب مميز من سنه”.
وأضاف أمير : “في شعرة صغيره بين الفشل والنجاح انا مش بخلي نفسي من مسئولية الصفقات، اه انا اللي جايبهم، ولكن مفيش صفقة جت الا بموافقة المدير الفني، وهم بالنسبه لي مش وحشين ابدا علشان ارفع ايدي عنهم، اتهاجمنا قبل كده لما جبنا الونش وزيزو وتالقوا بعد كده وبن شرقي كنت جايبه وهو محدش متوقع نجاجه وممكن ارجع لكلام الناس وقتها وهي بتهاجمنا، لكن في الاخر بقول دايما محدش يتسرع في الحكم”.
الونش تعرض لهجوم خلال سنتين في بدايته مع الزمالك وكانوا بيقولوا متهور ودلوقتي احسن مدافع في مصر، مفيش حد بينجح لوحده اللاعب بيحتاج تأقلم علي التواجد في فريق ومكان جديد، كان عندنا سوء نتائج وتوفيق ولو كنا كسبنا كل مباريات يناير مكنش حد اتكلم على اللاعبين”.
وواصل مرتضى:”الناس بتاخد وقت للتأقلم والانسجام المكسب وطريقة اللعب بيفرقوا، احنا من فتره مفيش طريقة لعب ثابته ولاتشكيل ثابت، انا مجبتش لاعب باسكت ولعبته كره قدم احنا جبنا ناس كانوا متألقين مع فرقهم، ولو قعدنا نقطع فيهم ونقول صفقة فاشله هيفشلوا”.
واكد: “ولو بنتعامل بالمبدا ده مكناش جبنا زيزو، وبن شرقي اللي كان بيلعب في نادي درجه تانيه في فرنسا وناديه في المغرب وفض يتعاقد معه تاني، لوكنا قيمنا كده مكنش انضم للزمالك، لكن هو لاعب كبير و من احسن المحترفين في مصر والزمالك”.
واوضح مرتضى:” كان مخاطرة انضمام 10 لاعبين جدد ومكنش في رفاهيه اننا منتعاقدش معهم بعد ايقاف القيد، وطبيعي فرقه كسب دوري وكأس الصفقات الجديد هتاخد وقت في الانسجام”.
واشار :” مفيش انهيار، الفرقه الموسم الماضي عملوا معجزه كان في16 لاعب ودخلنا 10 وده اخد وقت وهياخد وقت ومكنش في قدامنا غير كده، ومحدش يقدر ينكر ان الزناري كان احسن مدافع السنه اللي فاتت”
وشدد:” عمرو السيسي كان افضل لاعب خط وسط بالدوري وشلبي، وعمرجابر لاعب جوكر محتاج وقت يتاقلم ويكون في طريقه لعب ثابته ومركزثابت له، كل ده ميعفيش النتيجه السيئه لكن مش هنهد المعبد كنت اكتر واحد بيدعم فيريرا وبحبه لما بنخسر بنخسر كلنا لعيبه وجهاز وادارة”.
وتابع منصور: “في شعره بين النجاح والفشل هنوفر اجواء النجاح نسبه النجاح هتكبر، السوشيال ميديا بعاني معها مش قادر افهم شغلانتها انا بالنسبه لي الجمهور اللي بيحضر الماتشات، مش هتعمد جمهور السوشيال لانهم نفس الناس اللي كانوابيقطعوا في بن شرقي”.
واستطرد:” انت عاوز تيجي جزء من المعادلة تحضر الماتشات ودعم اللعيبه وهاجمها في الملعب لكن مداري في شاشه وتقيمني لا، مع احترامي للصفحات حتى اللي بتشيد بي ده عالم افتراضي ومش هبص عليه وهو بيقول فين الصفقات، اللي على الارض الجمهور اللي بيحضر الماتشات، لوهم زملكاويه وهتفرض حسن النيه، لو بتحب الزمالك فدي الطريقه الغلط احنا عندنا حجم مشاكل مش موجوده في اي نادي”.
وزاد أمير مرتضى: “علينا قضايا في الفيفا ومفيش دولار ومش هنجيب من السوق السوداء احنا نادي كبير، ومش عارف احول مستحقات لان الحجز على الارصده وفي رئيس نادي بياخد قرارت بتسبب له مشاكل له شخصيا”.
واستكمل:” الزمالك من2014 الى 2020 كان سهمه عالي سنة اللجان غيرت امور كتير في المعادله ولقينا زيادة عقود، ولعيبه مشيت وقرارت كانت غلط اثرت علينا وعملت مشاكل بين الاعيبه بسبب تفاوت العقود وكان مطلوب مني الم كل ده، قدرنا في سنه نلم ونكسب دوري وكأس لكن تاثيره هيمتد لسنين”.
واردف:” انا بحاول اعمل الصح ومش هجيب لاعب انتم عاوزينه وفي تفاصيل بحاول اراعيها المدير الفني بيختار لعيبه محتاجها ومهلكش النادي ماليا “.
وإختتم:” الصفقات كلها كانت 90 مليون في الصيف، سامسون مواليد2000 جاي من اجواء تانيه ودوري ومحتاج وقت للتاقلم، اشتريناه بـ900 الف دلاور على قسطين كانوا بقيمه13 مليون جنيه وقت شرائه، وقيمة شراء كل لاعب اقل من الموجودين، ومفيش لاعب وصل لـ20 مليون”.
