فيفي عبده رقصت بالجلابية عشان مكنش معايا فلوس (فيديو)

أثارت الفنانة فيفي عبده الجدل، من خلال تصريحتها التي قالتها خلال لقاءها بقناة الظفرة الإماراتية، ليلة رأس السنة 2023، والتي تحدثت فيها عن أول آجر لها كراقصة.

وأشارت فيفي عبده خلال اللقاء، قائلة :”مريت بظروف صعبة ومعشتش طفولتي لدرجة إني رقصت بـ جلابية لأن مكنش معايا فلوس أجيب بدلة رقص”.

وأضافت قائلة :”طول الوقت بطلب من ربنا إني أعيش وقت زيادة ويديني الصحة، أنا ربنا راضي عليا ورزقني بـ بنات صالحات، والأولاد دول نعمة ورزق في حياتها، وبيهتموا بيا ويراعوني يمكن لأني كنت بارة بأمي، وأنا حماة حلوة جدا، ولو البنت عاملت حماتها أمها بتاخد ثواب كبير جدا”.

عن الشائعات التي تتعرض لها فيفي عبده، أشارت قائلة :”موتوني وأنا عايشة، مش ممكن أتصور مع معجبيني ولا اعمل فيديو معاهم بمقابل ودي إشاعة من الإشاعات اللي بتطلع عليا، أنا عاملة زي الشجرة المثمرة بيتم ضربها بالطوب، والجمهور حطني في دماغهم عشان ده حب”.

وعن متابعتها للسوشيال ميديا، قالت الفنانة الاستعراضية :”كنت بهتم بالكومنتات اللي الجمهور بيكتبها في البداية، لكن دلوقتي بقيت صايعة كنت بلاقي حاجات تحرق الدم، ومرة لقيت بنت كتبالي أنا عندي 20 سنة ومش قادرة أدخل التويليت، قولتلها لو انتي عيانة ربنا يشفيكي، لكن لو انتي بتشمتي فيا أو بتعملي فيها مقلب هقول ربنا ياخدك، أنا معرفش أسيب حقي وأخد حقي وأنام”.