مرتضى منصور يفتح النار على طارق حامد بعد تصريحاته الأخيرة

فتح المستشار مرتضى منصور رئيس نادي الزمالك النار على طارق حامد لاعب نادي إتحاد جده السعودي والزمالك السابق بسبب تصريحاته عن كواليس رحيله عن الفارس الأبيض وتكذيبه لكل ماقاله مرتضى منصور.

وقال مرتضى منصور في مداخله هاتفيه ببرنامج
زملكاوي عبر قناة الزمالك:”بحاول أقنع إمام بالإستمرار وقلت له أمامك 3 أمور إختار منها الأول هجددلك سنتين بقيمة عقد زي زيزو، والثاني متعملش عقد جديد وفي نهاية عقدك عاوز تمشي أمشي، والثالث لكن لوصمم عاوز تمشي أمشي لانه مش هيأدي لوقعد غصب عنه”.

وأضاف:” في 48 ساعه خلصنا لاعب الجمهور كان عاوزه، وبديل لإمام عاشور”.

وشدد مرتضى:”هعطي لإمام فرصة للساعه 6 الصبح لوربنا هداه ووالدته قالتله أقعد خلاص، أنا معملتش كده مع أي لاعب أن أحاول أقنعه وأعرض عليه الحلول دي”.

وأكمل:” أنت يا طارق ياحامد مش كنت مع وكيلك في بيت أمير وقولتله أعطيه اللي هو عاوزه علشان يجدد، وأمير كلمني في التليفون وكلمت وقتها طارق وقال أمير عرض علي 20 مليون، ووكيله موجود يشهد وقالي لا عاوز 25 مليون ووافقت، وقالي هصلي صلاة إستخارة”.

وأختتم مرتضى منصور :” أنا اللي عملتك ياطارق وكنت جاي بشبشب، وفرج عامر كان مقعدك في البدروم، انت كنت كومبارس في الزمالك لإبراهيم صلاح أول لما جيت، وعملناك بني آدم تطلع تكدب، هو أنت فاكر خلاص هتفضل في السعوديه وبعد ما تبطل هتفتح محل فراخ ومش راجع مصر؟ انت بتتكلم عننا انت وطارق السيد”.