كشف رئيس مجلس إدارة نادي الزمالك المستشار مرتضى منصور عن رحيل اللاعب يوسف إبراهيم أوباما عن صفوف الفريق الى نادي الحزم السعودي على سبيل الاعارة لمدة 6 شهور.
وقال مرتضى في تصريحات تليفزيونيه عبر قناة الزمالك: “احب اقول لاوباما على الهوا احنا محتاجينك، وهو حاسس انه مالوش دور لان الرجل مبيلعبش برقم 10، لكن فيريرا بيحبه، وبقوله لاخر مره انت لـ3 مرات بتكون عاوز تمشي واقعدك هل هنجح في ان اخليك تقعد”.
واضاف:” دي رؤيه الجهاز الفني في رحيله، وانا مقتنع باوباما بيلعب رقم10 لكن مقدرش اقول ولا ادخل في الامور الفنيه، بقول لبعض الجماهير ده اوباما اللي زهق منكم هو لاعب كبير وجاب بطولات وكفايه الكونفيدراليه زي ما جول محمد عبدالغني هيجيب لنا الدوري”.
وشدد مرتضى: “ان شاء الله تلعب وتتالق وترجع بيتك، بقول للعيال السفله مش كل اسبوع همشي لاعب محمود علاء وبعده الوردي واوباما، مفيش جمهور بيقيم ماتش بماتش ومحدش يقيمنا وحضرتك جمهور لك عندي صفقات وبطولات”.
واردف:” لكن تقيم كل لاعب ومدرب، لايابابا بالجزمه خد فلوس من عباس والعتال وهاني شكري وعبدالله جورج خد منهم وملكش دعوة بالنادي، مفيش جمهور محترم بيطفش في اللعيبه والمدرب كان في انتخابات وكفيتهم كلهم على وشهم”.
ومن جانبه قال اوباما:” انا بشكرك ياريس وكل الناس اللي بتدعمني ولكن مصلحه الزمالك اهم، ومن مصلحته ان العب 6 شهور بره، ودي رغبة الرجل ولازم انفذها، وربنا يوفقنا كلنا”.
