بسبب شوبير.. مرتضى منصور يصدر هذا القرار ضد قناة أون تايم سبورتس
أعلن رئيس مجلس إدارة نادي الزمالك المستشار مرتضى منصور، أنه لن يتعامل مع قنوات أون تايم سبورتس،وذلك بسبب الإعلامي أحمد شوبير وتصريحاته الكيديه التي تستفز جماهير الفارس الأبيض.
وقال مرتضى منصور في مداخلة هاتفية ببرنامج “زملكاوي” عبر قناة”الزمالك”: اذا كان أقوى3 لاعيبة تعاقدت معهم ومش عاوز تقيدهم والكل بيتفرج، ياقناة أون علاقتي بكي إنتهت حذرناكم مرة و2 بسبب شوبير وهو بيطلع يستفز الجماهير، ومن الآن علاقة قناة الزمالك بأون إنتهت ”.
وتابع: “إتحاد الكرة اصدر بيان رسمي في شهر يوليو2022، أن الزمالك سوى مديونياته اللي حصل مؤامرة حقيرة١ وتم جدولة المستحقات، ودفعنا 9 مليون و5 مليون وكل شهر مليون، دي مؤامرة، عاوز رجل فيهم يقول البيان اللي طلعوه مزور، القصة مش مرتضى، القصة أنت هتاخد الدوري للمرة الـ3 وبييبو يزعل، لا فوق”.
وأضاف مرتضى:” عاوز دكر في إتحاد الكرة يرد على البيان اللي نشروه على صفحتهم ياجمهور الزمالك فوقوا القصه أنتم، عنوان البيان كان الزمالك يسوى مستحقاته، وقولتله خد 9 مليون مقابل مشاركه الجزيري في كأس العالم قالي لا، طيب خد7 مليون ونص، لا، وجمعنا 5 مليون رفضوا وهربوا مننا ورفضوا القيد، وجاي يابتاع هبه تقول بنفرح أنتم اللي عملين الحزن لجمهور الزمالك”.
وأردف: “مستنين جمال علام علشان نقعد وهم كلمتين، اذا لم تحل المؤامرة هعلن قرار سياسي رياضي إعلامي، أنت مش عاوز مرتضى قول كفاية عليك رياضيا وسياسيا، إنما الضرب تحت الحزام في الزمالك لا، أنا مستني بكره وبعد الماتش تبقى جنت على نفسها براقش، هنقفل الصفحة، وياجمهورنا ياعظيم القصه مش مرتضى”.
وإختتم:”هو منع يقيد 3 لاعيبة مميزين ، والكل عليهم 3 إضافات رهيبة، يا أستاذ جمال وحق القران الكريم محمود الخطيب كان عاوز يمشيك وإنت عارف مين وقف معك وكلمتني وقلتلك انا وراك، واللي أنت قاعد معهم كانوا عاوزين يمشوك، خلص الكلام”.
