عمرو أديب ينتقد الغرب بسبب زلزال سوريا : أنت بتدفع لأوكرانيا مليارات يوميا
انتقد الإعلامي عمرو أديب؛ الدول الغربية والولايات المتحدة على خلفية عدم تقديم المساعدات إلى سوريا بعد الزلزال الأخير والذي أسفر عن آلاف الضحايا.
وقال أديب خلال برنامج “الحكاية” المذاع على قناة “أم بي سي مصر”: “دول العالم اللي بتكلمنا عن حقوق الانسان اللي اتعمل مع سوريا دة ايه؟ دا غرب رسمي؛ اتحاد أوروبي وأمريكا أنت شايف الناس بتموت أنت واقف فوق مبني وسامع الناس بتصرخ ومش عارف تطلعها”.
وأضاف: “5 أيام تحت الأنقاض وبتصرخ ومش عارف تطلعها؛ يا جماعة أنتوا عاملين عقوبات على مين على الحكومة والا الشعب؛ كله جري على اردوغان عشان غرب مش شرق؛ وعدد المشردين في سوريا وصل إلى 5.5 مليون العيال اللي بيطلعوهم من تحت الأنقاض طالعين ساكتين”.
وتابع: “دانت هنا الدنيا شوية برد بتقول الجو برد دول قاعدين تحت المباني بالخمس أيام في درجة حرارة تحت الصفر؛ في أب النهاردة واقف بيقول أنا عايز أدفنهم وهما الناس في سوريا لا هيلاقوها من الناحية دي الناحية دي”.
وأكمل: “المفروض كان كل دة يتكسر وينتهي عقوبات أيه وبتاع ايه؛ هو أنا بقولك أديله سلاح؟ أنت النهاردة مطلع أم حاضنة بنتها عمرها 10 أيام ربك ورحمته ولطفه بالغلابة أنا مش مصدق”.
وواصل: “العيال مش مصدقة اللي عما فيه العمارة تنزل على دماغهم ماشي لو عايز تقولي إن بكرة في حد عايش تبقى معجزة؛ خلاص يا جماعة ميت 4-5 ألاف وتحت الأنقاض قدهم وأكتر في سوريا؛ الناس عايزة مستشفيات سواء جوة سوريا أو على الحدود مع سوريا المستشفيات مفيهاش حاجة العيال دي عايزة بطانية ولقمة فين العرب وجماعة الدول العربية؛ الغرب أيدك منه والأرض”.
وأكمل: “حلب واللاذقية في كارثة؛ الحاجة بتوصل ببطئ شديد؛ في حاجة كدة في القرن 21 حد بيشيل طوب بأيده يا جماعة؟ في حد بيكسر البيت بحديد؟ أردوغان في تركيا قالك الناس المسؤولة عن وقوع العمارات دي في فساد وهو عنده مأساه الناس واخدة بحسه وواقفة جنبه ولكن بنتكلم عن قنبلة ذرية؛ الناس دي كأنها مضروبة بقنبلة ذرية”.
واختتم: “الأتراك قرروا يقتحوا الماية في سد أتاتورك كانوا قافلين الماية على العراق ولكن في مخاوف أن في سدود تنهار؛ الأمريكان بجلالة قدرهم قدروا معونة 85 مليون دولار دانت بتدفع لأوكرانيا كل يوم مليارات”.
