حصل الفنان محمد قماح على كارنيه نقابة المهن الموسيقية، لينضم بذلك إلى أعضائها بشكل رسمي، وسلمه الكارنيه نقيب الموسيقيين مصطفى كامل.
ونشر محمد قماح، صورة له لحظة استلامه الكارنيه، عبر حسابه الرسمي على “فيسبوك”، وعلق، قائلا: “أشكر النقيب الفنان مصطفى كامل والمايسترو محمد أبو اليزيد وجميع العاملين بنقابة المهن الموسيقية.. أخيراً الحمدلله عضو عامل بالنقابة”.
وكان قد حل محمد قماح، مؤخرا ضيفا في برنامج “أنا سعيد” الذي يقدمه الإعلامي سعيد جميل عبر قناة القاهرة والناس، وظهرت برفقته زوجته “رودي” خلال اللقاء، ونستعرض خلال السطور التالية أبرز تصريحاته بالبرنامج.
– لما دخلت برنامج ستار أكاديمي كان عندي 17 سنة، وكنت بتكسف جدا وطالع من ثانوية وفي أولى جامعة، بعزف أورج في المدرسة وبلحن، و البرنامج كان مسمع جدا، وصحابي قالولي في برنامج فيه بنات ممكن نظبطها.
– اشتريت استمارة برنامج ستار أكاديمي بـ 15 جنيه، هي كانت المفروض ببلاش، لكن واحد اشتراها وباعها في السوق السودا، وأنا وصحابي كنا رايحين نقضيها، لكن أنا الوحيد اللي دخلت البرنامج.
– أنا كنت زمان بتاع بنات، لكن مراتي سيطرت، فأنا عديت بمراحل كتيرة في حياتي عطلتني ومنها المرض قبل ما أعرف رودي مراتي، وخسرت فلوسي وثقتي بنفسي، ومراتي رجعتلي كل حاجة، لأنها شجعتني وقالتلي أفكارك حلوة.
– عملت أغاني كتير وألبومات نزلت وقت الثورة، ومكانتش بتاخد مشاهدات، ووصلت للإحباط في الآخر، ناس كتير وشركات إنتاج خذلوني، وفي فترة اختفى معظم الجمهور اللي كنت بحبهم وبعمل حاجات عشانهم.
