كشف رئيس مجلس إدارة نادي الزمالك المستشار مرتضى منصور عن السبب الذي كان وراء رحيل إمام عاشور عن الزمالك .
وكان الزمالك قد وافق على بيع إمام عاشور لنادي ميتلاند الدنماركي في الساعات الأخيره قبل غلق باب القيد الشتوي بعدما أبدى اللاعب رغبته في خوض تجربة الإحتراف الخارجي.
وقال المستشار مرتضى منصور في تصريحات تلفزيونية عبر قناه الزمالك:”بتحداك يا حسين يا لبيب انت وحسين السيد لو في عقد موجود لامام عاشور في النادي ، العقد مش موجود في النادي اقسم بالله العظيم” .
وواصل :”كان في مشكله في اوضه اللبس بين أحمد مصطفى زيزو وبين إمام عاشور ، خلي بالك لما يشوف زيزو بياخد كام طبيعي حقه يبصله” .
وتابع :”إمام عاشور بقاله ٧ او ٨ ماتشات مش هو إمام عاشور ، إمام عاشور لاعب أرعن ، فاكر لما حد مباصلوش الكوره قام سايب الملعب وقاعد برا ، هو في كده يا جماعه ؟ احنا متحملين وساكتين “.
وأكمل :”بس ده برضو سنه ، إحنا لما كنا زيه عملنا اكتر من كده ، اللاعب مش مركز وقدامه ٦ شهور ويبقى فري وفالاخر يقولي انت بعت النادي”.
وشدد :”النادي محجوز عليه ومديون وعاوزين فلوس ، انا كان عندي ٧٠ مليون جنيه يكفوني ٦ اشهر ولكن اتحجز عليهم طب اعمل ايه ، انا بقاوم لجان الاهلي واتحاد الكوره” .
وأتم :”يا راجل انت مش عارف تحاسب سيد عبد الحفيظ ، ده راجل ضرب الحكام وشتمهم” .
