الحكم بيقول الناس جايبين لنا غداء ومظبطنا .. مدرب النصر 2004 يفتح النار علي الحكام
فتح الكابتن محمد سمارة المدير الفني لفريق النصر النار علي الحكام ومنظمي مسابقات الناشئين بعد مباراة فريقه أمام فريق مستقبل وطن 2004 علي ملعب زينهم وأدار اللقاء الحكم محمد رجب وشهدت أحداث المباراة أخطاء تحكيمية كثيرة وأحداث غريبة من حكم اللقاء.
وقال الكابتن “محمد سمارة ” : هي الحكام دي محدش بيحاسبهم لما يجيلي حكم عنده شغل علي تاكسي بعد الماتش ويقولك بسرعة عشان عاوز أنجز عشان عندي شغل وطول الماتش عمال يهزر مع المساعد ومكبر دماغه من الماتش وتقوله أنت يا كابتن جاي تهزر يقولك أه جاي أهزر هو إحنا بنلعب في كأس العالم وفي الآخر تتكلم يقولك هعمل فيكم تقرير وأوقفكم.
و”أضاف ” : هو ده مين يحاسبه عشان بس نبقي عارفين لما حكم يقول للمساعد قدام عيني لما رفع تسلل ويقوله ياعم متبقاش دقيق كدا الناس جيبنلنا غداء ومظبتنا
و” أستكمل ” : من ضمن الكلام بيقول المساعد ياعم خف الراية شوية ده مستقبل وطن فاهم يعني إيه وبعدين الناس مظبطنا
و”ذاد” : الماتش كان تعادل 2/2 لحد آخر ربع ساعة طردني وطرد إتنين لاعيبة ويجي حوالي 7 إنذارات وطول الماتش هزار ولا كأنه بيلعب في الشارع
حسب جول فيه فولين في نفس الوقت وفي الآخر بيقولي مشفتهاش أعملك ايه لحد مخلص الماتش 5/2 لصالح فريق مستقبل وطن.
بجد حاجه بقت تقرف ياريت حد من منظمي المسابقات يقولي ده ينفع يبقي حكم ازاي عشان قرفنا
