أمير مرتضي منصور.. هناك حرب ممنهجة ضد نادي الزمالك ويكشف حقيقة تسريب عقود اللاعبين
صرح أمير مرتضي منصور المشرف العام على فريق الكرة بالقلعة البيضاء عبر مكالمة هاتفية في برنامج زمالكاوي والمذاع عبر شاشة قناة نادي الزمالك
وأكد ان تسريب عقود لاعبي الفريق هو حرب ممنهجه على النادي ، مؤكداً أن معظم العقود المسربه غير حقيقه او غير رسميه.
وقال أمير مرتضى في تصريحات تلفزيونية عبر قناه الزمالك:”الفريق بقاله فتره بيمر بظروف صعبه شويه ولكن بعد ماتش الترجي المعنويات زادت وواستعدنا جزء كبير من شخصيه الزمالك “.
وواصل :”ماتش انبي مهم جدا ميقلش اهميه عن الترجي او بلوزداد، احنا عارفين ان كل ماتش هيرجعنا للمكانه بتاعتنا ، مقدمناش غير ان كل مباراه نحارب عليها لان هي دي شخصيه الزمالك وهي دي هويتنا اللي الناس عرفتها اخر سنتين “.
وتابع :”من بدايه شهر يناير حصلنا دروب كبير ولكن بنحاول نرجع لمكانتنا وباذن الله مباراه انبي تبقى تكمله للمسيره” .
وشدد :”انا موجود في الزمالك من ٢٠١٨ وبعرف اشتغل تحت ضغط ، مش اول مره عقود تتسرب ، عقد اوباما اتسرب و عواد كذلك وبن شرقي “.
وأكمل :”الحرب المرادي مكثفه وممنهجه على الفرقه ، مين عنده مصلحه من التسريب ده بغض النظر ان جزء كبير من العقود مش صح ومش رسمي ، نادي الزمالك من أكبر فرق افريقيا ومعروف ان الزمالك ميزانته ضخمه”
وأضاف :”معروف ان اكبر فرق ميزانيه في افريقيا هم الزمالك والاهلي وبيراميدز وممكن نبقى اقل فريق في ال٣ كمان” .
وإستطرد :”العقود اللي اتسربت هي الغرض منها انها تشكك في كوالتي اللعيبه او إمكانيات اللعيبه ، وبيستغلوا الماتشات وسوء النتائج ، بيستغلوا ان اللاعب يعمل ماتش مش كويس يقوم مسرب عقده” .
وأتم :”في انديه غير الزمالك والأهلي بتدفع مرتبات ضخمه ، احنا ميزانيه الزمالك السنادي هي اقل ميزانيه للنادي من ٤ سنين
