هكذا تحدث المخرج محمد سامي عن مدير تصوير مسلسل جعفر العمده الذي سيعرض في رمضان ٢٠٢٣بطولة الفنان محمد رمضان ومجموعة كبيرة من النجوم
قال هو أنا لو هكتب عن الراجل ده بوست محتاج أسبوع كتابة عشان أديله حقه ، مدير التصوير المحترم الخلوق المحترف المسئول ، الراجل الجدع اللي جاي يساعد كل الأقسام و يسهل عليهم شغلهم ، الراجل اللي حافظ المسلسل كلمة كلمة ، بسبب وجود الراجل ده فضهري، اللي كنت بحلم بيه في التصوير بعمله ولا عمره قاللي ده صعب ولا محتاج إيه ، بيشتغل في صمت و تركيز عشان يحقق رؤية المخرج من غير ما يشيله هم ولا يشغله بمشاكل ، ربنا يخليك ليا يا صاحبي و أخويا ، يا أجمد مدير تصوير في الدنيا ، ياللي كلنا بنتعلم من خبرتك و موهبتك و إحترامك للمهنة ، شكرا أستاذ نزار شاكر
