المخرج محمد سامي : محمد رمضان أكبر نجاحاتي ومفيش مرة اعتمدت عليه وخذلني

تحدث المخرج محمد سامي عن سبب نجاح الأعمال التي يقدمها مع الفنان محمد رمضان وأخرهم مسلسل ” جعفر العمدة”، مشيرا إلى أنه من أشطر الفنانين في مصر .

قال محمد رمضان خلال حواره مع برنامج “et بالعربي” عن تعاونه مع الفنان محمد رمضان:” بيني أنا ومحمد رمضان كيميا واستيعاب أفكار بعض مش كل الممثلين أقدر أطلب منهم نفس الطلبات اللي بطلب من رمضان أنه يعملها في التمثيل لأنه قدراته غير عادية، وأنا معايا ممثل بالشكل دا بكتب وأنا مرتاح ومحمد بيجد معايا الحاجة اللي بيبحث عنها وبيسلم وبيثق في اللي بعمله.

كشف عن كواليس التحضيرات لمسلسل “جعفر العمدة”:” أول حاجة قولتها لمحمد رمضان عن الشخصية أنه “جنتلمان شعبي” كنت ببني شخص مبني على فكرة التناقضات وهو فيه العادات اللي تخلي الناس تتوحد مع الشخصية يقدس العائلة”.

وتابع:” اتصلت بمحمد مرة قبل التصوير بأسبوع قولتله لو “جعفر” متقدمش بطريقة يتحب ويدخل القلوب مش هينجح، وهو بيتناقش قبل كل شغل ووعدني أنه هيقدم أقصى ما عنده، هو ممثل مش عادي”.

وأشار محمد سامي أن الفنان محمد رمضان أفضل ممثل في مصر:” محمد رمضان أشطر ممثل في مصر ومش عايز حد يبقى زعلان من اللي بقوله لكن الحقيقة محمد قدراته التمثيلية مش عادية في ممثلين كتير وكلهم لا يستهان بهم لكن هبقى دايما منحاز لمحمد رمضان لأن أكبر نجاحاتي معاه ومفيش مرة اعتمدت عليه وخذلني وبقول دايما بدي لمحمد سنتيمتر يرجع متر”.