منى زكي توجه رسالة شكر لصناع “تحت الوصاية” بعد نجاحه الكبير
وجهت الفنانة منى زكي رسالة شكر إلى جمهورها وصناع مسلسل “تحت الوصاية” لتشكرهم بعد عرض مسلسل “تحت الوصاية” متمنية أن تكون الرسالة التي قدمتها وصلت للجميع.
ونشرت منى زكي عبر حسابها على موقع التواصل الاجتماعي “فيسبوك” مجموعة صور من كواليس مسلسل “تحت الوصاية وكتبت: مع انتهاء موسم رمضان حابه أوجه الشكر لجمهوري في مصر والوطن العربي كله على كل التشجيع والحب اللي وصلني منكم”.
تابعت منى زكي:” شكرا لكل شخص أخد من وقته وكتب كلمة حلوة عن مسلسل تحت الوصاية، وأحب كمان أوجه الشكر لناس كتير جدا بداية من المخرج العظيم محمد شاكر خضير اللي عارف اللي في قلبي تجاهه وقد إيه هو فنان موهوب وعنده رؤية وحساس جدا.. وعلى المستوى الشخصي إنسانيته تفوق أي شيء أنا شوفته قبل كده، أنا بأدين له بكل الفضل على أي حاجة حلوة في المسلسل”.
أضافت : وقبل أي حاجة بوجه الشكر طبعا لزمايلي في المسلسل اللي كلهم معجونين موهبة ولولاهم مكنش تحت الوصاية ظهر بالشكل ده.. حقيقي هما كتلة من المواهب المتحركة وعاشقين للفن من أكبر حد فيهم لحد البنوتة الصغيرة اللي فاجئتنا كلنا، وأخيرا مش ممكن أنسى أهالى عزبة البرج وأجدع صيادين في مصر.. واللي حسسوني أني بقيت واحدة منهم طول فترة استضافتهم لينا.
