أكد الإعلامي أحمد موسى؛ أن الولايات المتحدة لا تريد استقرار العالم العربي مشيرا إلى أنها تقوم برعاية 80 ألف عنصر إرهابي في شرق سوريا.
وقال موسى خلال برنامج “على مسؤوليتي” المذاع على قناة “صدى البلد”: “قلتلكم أن أمريكا موجودة في المنطقة الموجود فيها تنظيم داعش؛ وزير الخارجية الروسي بيقول إن أمريكا بدأت تشكيل ما يسمى جيش سوريا الحرة؛ وزير الخارجية المصري السيد سامح شكري أكد أنه فين المجتمع الدولي من الملييشات والتنظيمات الموجودة في سوريا؛ أنتوا عارفين في كام إرهابي في سوريا تحت عين وبصر ودعم أمريكي؟ 80 ألف إرهابي تحت سمع وبصر أمريكي؛ الوجود الأمريكي في الشرق وفيها 80 ألف إرهابي”.
وأضاف: “الأمريكان مش عايزين سوريا ترجع وعايزة الإرهاب ينتشر وانتشار الإرهاب معناه انتشار الإرهاب في كل الدول العربية مش كان بيجيلنا أرهابيين من سوريا في سيناء؟”.
وواصل: “أمريكا مش عايزة سوريا ترجع؛ وأمريكا لا تريد أي استقرار لأي دولة عربية؛ أمريكا بتكذب ليل ولنهار وعايزين العالم العربي يتفكك ولا جيوش في العالم العربي مش عايزين الجيوش القوية”.
وأوضح: “القوات المسلحة المصرية يجي يقولك نفرض عليك كذا طيب يا سيدي متشكرين أروح لروسيا أجيب اللي أنا عايزه أروح لفرنسا أجيب اللي أنا عايزه؛ أروح للصين أجيب اللي أنا عايزه؛ هو أنت هتضغط عليا؟ محدش أبدا يضغط على مصر؛ مصر قدامها المجال مفتوح مع أي دولة وأي دولة بتروحلها بتجيب السلاح اللي أنت عايزه مش معتمد بس على الأمريكان”.
وأكمل: “وقت ما عايزين يقولك بتروح لروسيا ليه؟ لما كنت بطلب منك قطع الغيار كنت بتقولي أصله ايه لا حضرتك مش هستناك؛ هو الأرهاب بيستني؟ كنت عايزنا نعمل ايه وأحنا بنواجه الإرهاب”.
واختتم: “لازم تبقول عارفين يا مصريين أمريكا أهيه؛ بكلمك عن 80 ألف إرهابي في سوريا؛ مش أمريكا قادرة تخلص؟ أيوة لكن مش عايز يخلص ليه؟ عشان ليه مصالح؛ يقولك روسيا موجودة فأنا أبقى موجود وترجع سوريا لحدود العالم العاربي يقولك رجعته ليه؟ وانت خلاص يعني وصي علينا؟ لا مفيش وصاية على حد؛ هيقعد يضايقك في ملفات معينة كل دة مفهوم ومعروف يعني”.
