حمو بيكا يوجه رسالة لطلاب الثانوية العامة..مش نهاية الرحلة
وجه مغني المهرجانات حمو بيكا، رسالة إلى طلاب الثانوية العامة، قبل بدء الامتحانات وأكد إنه لو عاد به الزمن لأكمل تعليمه.
وكتب حمو بيكا عبر حسابه الرسمي على تطبيق “الانستجرام” :”بكره تعتبر بداية الامتحانات النهائية للثانوية العامة، وأنا مش جاي أديك موعظة ولا جاي أعمل شيخ عليكم..بس أنا جاي أقول لك إنك قد أي حاجة في الدنيا، وتعرف تعمل أي حاجة طالما عندك إصرار وحلم هتوصل يعني هتوصل”.
وتابع حمو بيكا: “الثانوية العامة مش نهاية الرحلة والمطاف ليكم، وإنما هي بداية الحلم الحقيقي اللي نفسك تحققه، اتعلموا العلم حلو أوي، العلم بيستر صاحبه، أنا لو رجع بيا الزمن كنت اتعلمت وأكلت الكتب اكل.. ربنا معاكم يا رب وتحققوا كل أحلامكم”.
يذكر أن حل مؤدي المهرجانات الشهير حمو بيكا ضيفا على أحد البرامج التليفزيونية ، حيث كشف عن تداعيات الأزمة بينه وبين حسن شاكوش ، بعدما تحدث عن الأخير كان يقوم بالسهر فى الأيام الأولي من زواجه فى أماكن سهر .
وقال حمو بيكا : “حسن زعل لما إتكلمت في شيخ الحارة، وقلت مينفعش يبقى متجوز وينزل يسهر في أول جوازه”.
وأضاف حمو بيكا : “كنت عايز أوصل رسالة لمديرين أعماله يشوفوا حياته، ويخلوه يشوف شغله، لإنه مختفي ومعملش أغاني من فترة، لكن مش قصدي أجرحه”.
وتابع حمو بيكا : مدخلتش فى الخلافات بين حسن شاكوش وزوجته لانه مش بيرد على تليفوني أتدخل إزاي”.
