أصدر المستشار القانوني لنادي الزمالك محمود العسال بياناً بشأن الأحداث الراهنة داخل نادي الزمالك وقد وجهه العسال رسالة لجماهير نادي الزمالك على الفيس بوك كان مفادها كالتالي :-
جماهير الزمالك المحترمة .
طبعا اللى هكتبه ولا هو دفاع ولا حاجة.
بس حقائق بقليل من التفكير
اللى بيحب ناديه هيفكر وهيفهم .
واللى بيكره وليه مصالح او كره لاحد استحالة هيفكر ويفهم .
الموضوع بمنتهى البساطة والمعقولية انتوا كجماهير بتحب النادى والمكسب.
علشان اقيم المجلس الحالى لازم وحتما اذا كنت بحب النادى اشوف المجلس الفترة اللى متواجد فيها انجازاته العقبات المتعمدة لوقف المسيرة واخفاقاته
طب انا هسهلها عليكم .
المجلس الحالى من شهر فبراير ٢٠٢٢
انجازاته .
بعد تولى المجلس الحالى كان من اهم اولوياته التخلص من كارتيرون الهارب بفعل فاعل والذى عاد بواسطة اللجان ليدمر الفريق والكل شاهد على ذلك مع غضب عارم من الجماهير ضده.
فتعامل المجلس بهدوء تام ليتخلص من كارتيرون دون خسارة للنادى.
وحدث ذلك بالفعل.
.. بعد اقالة كارتيرون تعامل المجلس برئاسة مرتضى منصور تعامل محترم فى محاولة لم الفريق بمدير فنى محترم يعلم الكرة المصرية وله سابقة تعامل مع الفريق فكان فيريرا.
… استطاع فيريرا الحصول على كاس مصر على حساب النادى الاهلى.
ومع خروج بن شرقى لرغبته الملحة فى الاحتراف ولاسباب عائليه وترك طارق حامد وابو جبل للفريق والدورى على اشده.
وقف المجلس الحالى برئاسة مرتضى منصور حائلا دون تفكك الفريق حتى استطاعوا الحصول على الدورى العام ولم يتاثر الفريق برحيل هؤلاء.
ثانيا الحصول على الدورى العام المصرى وكان الفريق وقتها وقد رحل اشرف بن شرقىوطارق حامد وابو جبل.
يعنى فى خلال ست او سبعة اشهر استطاع الزمالك الحصول على الدورى والكاس والتغلب على مشاكله المتعمده ضده.
طب ايه اللى حصل بعد كده هقولكم.
قضيتين ضد رئيس الزمالك والقضيتين كل واحدة سنة حبس
الاولى اتوقف تنفيذها والثانية اتحبس شهر.
طب نهدى بقى لا.
الحجز على ارصدة الزمالك فى البنوك .
طب نهدى بقى برده لا .
اكثر من خمس او ست قضايا علشان تبطل الانتخابات ومازالت متداولة ورايحين جايين على المحاكم.
قلنا مش مشكلة اهو عادى ع الله يهدوا. برده لا والف لا.
نرفع قضية على رئيس الزمالك نعزله علشان ندخل النادى فى دوامة عدم الاستقرار وانتخابات ومشاكل والدنيا تهيج .
اه نفس الاشخاص اللى شغالين قضايا ماشى يا عم خلاص الراجل اتعزل هنعرف نحلها علشان النادى يستقر مفيش مشكلة خالص سيبوا بقى النادى فى حاله.
الله ده فيه تلت او اربع قضايا تانى على رئيس النادى جديدة ..من االاستاذ محمود الخطيب.
ايه ده قضايا من ابناء نادى الزمالك وقضايا من ابناء النادى الاهلى
الخلاصة من الاخر اللى بيحب النادى وبيحب العدل والحق اكيد هيقعد يفكر .
واللى بيؤيد الحجز والقضايا اللى اتعملت من ابناء النادى وبيكره المجلس هيكون ليه رأى بس اعتقد من غير تفكير.
اسف على الاطالة بس الضمير والعدل والمصداقيه تحكم
