"برافو عليكى".. شريف منير يساند ابنته ويصفع رواد السوشيال ميديا
ضرب الفنان “شريف منير” الانتقادات التى تعرض لها فى الفترة الأخيرة عقب ظهور ابنته وحلقها لشعرها بعرض الحائط، مشيراً إلى أنه معجب بإطلالتها الجديدة.
وقال شريف منير فى فيديو عبر انستجرام:”مساء الخير، باكل سمك مشوى ورز أبيض، إيه الدوشة اللى إنتو عاملينها دى وإيه الضجة اللى إنتو عاملينها دى”.
وتابع:”كل ده عشان بنتى قصت شعرها قدام الكاميرا إيه الغلط اللى هى عملته، تصرف عادى جداً مفيهوش أى حاجة، إوعوا تفتكروا إنى هاجى على بنتى عشان خاطر أكسب رضاكم، دي بنتي اللي ماليش غيرها وبحبها”.
وانهى حديثه قائلاً:”بالمناسبة اللوك اللى عملته عاجبني وأنا مبسوط منها أوى، بس قبل ما الإخوة السادة الملايكة الصالحين اللى عمالين يقلوا أدبهم ويشتموا، وبيقولوا تاخد التريند وجاتها البلاء فى شكلها وبيقولوا أبوها معرفش يربيها، لا أنا بنتى متربية كويس جدًا بس هى بتتصرف باللى هى حاسة بيه، المهم إنها متكونش بتأذى حد”.
والجدير بالذكر أن هناك بعض التقارير التى أوضحت أن الفنان شريف منير قام بحذف ابنته أسما من حسابه بموقع تبادل الصور والفيديوهات إنستجرام ، والذى اعتبره البعض اعتراضاً على ظهورها الأخير.
