سيناريو شرين عبدالوهاب يتكرر.. اسما شريف بإطلالة جريئة فى مهرجان القاهرة
تعود الينا واقعة الفنانة”شيرين عبدالوهاب” من جديد، حيث تعرضت الفنانة اسما شريف إلى وعكة صحية تسببت فى ظهورها حليقة الشعر على السجادة الحمراء، فى مهرجان القاهرة للدراما فى نسخته الثانية والمقام فى مدينة العلمين الجديدة.
وحرصت اسما على حضور فعاليات حفل توزيع الجوائز، ويعد هذا هو ظهورها الأول بعد أن ظهرت من خلال فيديو شاركته عبر انستجرام وكشفت من خلاله عن حلاقة شعرها بالكامل.
وقالت اسما:” شعرى بيقع جامد، ده غير إن من كتر العمايل اتحرق، وبقى مش صحى خالص، وقررت أنفذ قرار كان بقالى كتير أوى نفسى أخده وأبدأ من جديد، وأحرر نفسى، وأفتح صفحة جديدة، حقيقى هو قرار صعب جداً بس حسسنى بقوة وتفاؤل”.
واضافت:”رميت ورايا حاجات كتيرة أوى بمجرد إنى شلت شعرى، قلبى كان بيدق جداً وبعديها حسيت إنى مليانة أدرينالين، خطوة جريئة ومرعبة”.
وانهت حديثها قائلة:”عارفة إن فيه ناس كتير هتهاجمنى بس أنا فارق معايا إحساسى بالراحة اللى أنا حساها دلوقتى، عادى هيطول تانى بس الإحساس ده مش هحسه غير مرة، بكره هتشوفوا النتيجة الأخيرة”.
