سيدة تحذر من قرية ” لاسيرينا الساحل الشمالي” رجلى اتشفطت من كتر الإهمال
حذرت سيدة من التعامل مع قرية لاسيرينا الساحل الشمالي، وذلك بعد تعرضها لحادث كاد أن يفقدها قدميها ، ومحذرا أيضا من خطورة الأمر خاصة على الأطفال، على حد قولها.
وقالت صاحبة الواقعة ،” حابه احكي واحذر الناس من اللي حصلي النهارده في الاكوا بارك بتاعت القريه لاسيرينا الساحل الشمالي و وممكن يحصل لاي حد هنا و هتبقي كارثه و ممكن تؤدي لاصابات بالغه الصعوبه كنا في الاكوا بلعب و ننزل ونطلع وهكذا كنت انا واخواتي وصحابي مره واحده وانا بطلع من علي السلم علشان اطلع تاني فاجه رجلي الشمال من عند الفخد اتشفطت من مضخه رفع المياه قطرها حوالي 30 سم بقوه شديده كده وقعدت اصوت واصرخ اني اشفطت ومش عارفه اشيلها و 3 رجاله بيشدوا رجلي مش عارفين يشيلوها فضلت في الالم ده كتير لحد ما المسؤول قفل الماتور و فضلت برضو رجلي محشوره في الشفاط ده لحد ما جوزي واخواتي شادوني جامد”.
وتابعت الفتاة عن الواقعة فى قرية لاسيرينا فى الساحل الشمالى ،” طبعا رجلي مش قادره ادوس عليها و منظرها صعب جدا لانها فيها ورم وكدمة شديده مخلياني مش عارفه ادوس عليها ده غير اللي شادني ايده اتشرحت من كل حته وجابولي الدكتور بعد اكتر من نص ساعه بصوت من الالم وكتب تقرير باللي حصل طبعا ده اهمال لان ميفعش شفاط بالحجم ده يتساب مفتوح كده لان لقدر اللي ممكن يشفط طفل كامل و يموت فيها ولولا ستر ربنا انها جت فيا انا مجتش في حد من اخواتي الصغيرين مش هعرف اوريكوا صورة رجلي دلوقتي لاني محجبه الاصابه في الفخد مش قادره احكيلكوا منظرها صعب قد ايه انا عاوزه حقي من فضلكم ساعدوني اني اجيبه او علي الاقل يبقي فيه حلوول علشان ممكن اللي حصل يحصل تاني وفي حد يموت”.
